XLIX.

фтпф SÖrofborf öetfauft alle feine ©titer in ©teinrabe bem lûbifc&en £)omí)errn Ulbert Stobenburg für 200 matl @utin 1408, 9ir> Dember 11,

(F. �?85, No. 03.)

Witlick si alle den jennen, de dessen breff seen edder horen lesen, dat ick Hinrick Broktorpe, knape, Claweses Broktorpes sone zeliger dechtenisse, besethen tho deme Steendorpe in deme karspele tho Uthin in deme stichte tho Lubeke, bekenne unde betuge apenbare in desser schritt, dat ick mit willen unde vulborde mines gnedigen

62

hern Hinrikes, Greven tho Holsten, Stormeren unde tho Schowenborg, unde ock miner gnedigen Frouwen, Ffru Elizabeth, hertoginnen tho Slesvick, Grevinnen tho Holsten, Stormeren unde tho Schowenborch, alse vormundersche erer kindere. unde erer truwen Rathgever, unde mines unde miner erven unde all der genner, der ere volbort dar tho thoesschende was, redeliken unde rechtliken hebbe vorkoft unde upgelaten, unde vorkope unde uplatein desser schrift deme Erbaren heren, her Alberte Rodenborghe, Domheren tho Lubeke, unde den gennen, de dessen breff mit sinen willen hebben, geistlick offte werlick, vor twehundert mark lubesscher penninge, de mi desulve her Albert gans bered unde bethalet heft tho miner noghe mit reden thelleden lubesschen penningen, by my entfangen, unde de ick vort an mine unde miner erven nottrostige nutt uthegeven unde keret hebbe, alle mine hoven, alse be achtehalven hoeve, unde alle mine gut be legen in unde tho deme dorpe tho Steenrode in deme karspele tho Gleskendorpe, in deme vorschrevenen stichte tho Lubeke, dar tho voren uthgan seestein mark geldes, vor twehundert mark lubessche, de her Simon Odeslo, ratmann tho Lubecke, unde Hinri kes Redingstorpes wedewe dar ane hebben, de min vader Clawes bi sinem levehde vore dar ane vorkoft hadde, alse de breve, de dar up besegelt sint, inholden unde uthwisen, mit ackere buwed unde ungebuwed, wurden, hure, rente, vrucht, mit broeken, wisschen, wateren, weiden, allerleygen holten unde kolingen, mit inwegen unde uthwegen unde allerleie vrigheit unde egendome, richte unde rechte in hals unde in handt, middelst unde mynst, unde mit allen eren thobehoringen, nichtes darbuten tho beschedende, men alse dit sulve guet belegen is in sinen enden unde landtscheden, my unde minen erven nichtes dar ane thobeholdende, unde vore unde sette dessen sulven her Alberte Roden borge in de were unde besittinge desses sulven gudes unde alle syne thobehoringe in desser schrift: also dat he unde syne nakomelinge scholen unde mogen desser sulven guder mit alle siner thobehoringe bruken, hebben unde besitten also vry, alset min vader vore, unde ick na dit sulve gudt mines anthales desses sulven dorpes je vriest hadde unde besethen hebben, unde ock also vry, dat her Albert Rodenborgh vorschre- ven mach dit sulve guet, alse dat deel desses sulven dorpes vorbenomet, vorkopen, vorgeven, vorsetten, vorpanden weme dat he wil, geistliken efte werliken personen, sun der minen unde miner erven ofte anders jemandes vulbort dar tho thoesschende. Unde ick unde mine erven willen unde schollen heren Alberte Rodenborghe vorschreven unde sinen nakomelingen desses sulven guedes mit alle siner thobehoringe waren, vrien unde beschermen van aller ansprake enes jewelken, de vor recht kamen wil up unse eghene kosten, schaden unde eventure. Unde uppe dat an thokomenden tiden neen twedracht unde schelinghe werde umme desse sulven hoven unde kolingen, so schal men weten, we den acker nu buwet, wo vele des sy unde wat he tho hure ghelt: tho deme ersten gift Olde Kale vor den kroech unde ene hoeve unde wissche viff mark. Joede vor viff

63

veerndeel landes veer mark. Mues vor viff verndeel landes veer mark. Junge Kale vor ene hoeve dre mark unde veer schillinge. Herder Wolder vor ene hoeve dre mark unde veer schillinge. Henneke Timmen vor viff verndel landes unde dar tho wat over landes veer mark unde veer schillinge, men de liggen nu wueste. Vortmer geven twe wurde achte schillinge, unde en wurt bi deme kroege veer Schillinge. Unde de ene kolinge, heten dat grote Densche broek, ghelt veertich mark, wanner men de hoven unde kolen mach. Unde dat lutke Densche broek ghelt veer unde twintich mark. Unde de klene kolinge by deme Tymmerhorstes weghe gelt derdehalve mark. Jodoch dorch sun- derliker gunst unde fruntschop willen heft desse sulve her Albert Rodenborch gunt unde overgheven, dat ick unde mine erven mogen tho ewigen tiden alle Sancti Mertens daghe desse vorbenomeden hoeven mit alle eren thobehoringen, alse vorschreven is, wedder- kopen vor twehundert mark lubesscher penninge J binnen Lubeke thobetalende in ener summen mit penningen, de denne tho Lubeke genge unde gheve sint, mit der renthe tho volgende, de den tho der tidt boren mach. Unde den wedderkoep schole wi nicht er doen, er twe jar dama, dat her Albert Rodenborgh vorschreven efte sine nakome- ljnge desse vorbenomeden kolinge vorkoft, vorhouwen unde vorkolet hebben laten, unde se de penninge dar vore upgeboret hebben, wente de kolinge hebbe wy rekent na jarscharen lykhure, unde darumme heft he mi destemer penninge vor dit gut gegeven, dat eme so vele rente unde hure von dessen vorschreven hoeven unde wurden nicht kunde werden, alse eme nu na menen koре vor twehundert mark penninge boren muchte. Unde ock dat men jo thovorne seestein mark geldes alle jare uth deme guede bereden unde bethalen schal, qweme ock alles nicht mer van desseme vorschreven gantzen gude, dat Godt vorbede. Alle desse vorschreven stucke lave ick Hinrick Broek- torp vorbenomet vor my unde myne Erven mit minen medeloveren unde eren Erven, de hir na schreven staen, alse Wolmer Breyden tho Saghow, Ludeken Boekwolden, Hinrike unde Marquarde broderen, heten Broektorpen, heren Hinrikes Broektorpen kin- dere, unde Hartige Broektorpe, minen brodere, knapen, hern alberte Rodenborge vor schreven unde sinen nakomelingen an gueden truwen stede unde vast tho holdende sunder alle argelist unde hulperede offte nye funde jenniges rechtes, geistlikes ofte wertlikes, da wy uns edder unse Erven mede behelpen muchten jennigerleye wys jegen dessen vorschrevenen koop. Unde wy Wolmer Breyde tho Saghow, Ludeke Bukwolde, Hinrick unde Marquart Broektorp brodere, heren Hinrikes sone Broektorpes saliger dechtenisse, unde Hartich Broektorp, Hinrikes broder desses vorschrevenen vorkopers tho Steendorpe, wente alle desse vorschrevenen stucke mit unser wittschupp, vulborde unde willen handelt unde scheen sint, so love wy mit Hinrike Broektorpe, tho deme Steendorpe vorbenomet, unde sinen Erven, vor uns unde unsen erven in desser schrifft, mit ener samenden handt unde ein jewelck besundern, alle vorschrevene stucke heren

64

I

Alberte Rodenborghe vorbenomet unde synen nakomelingen an guden truwen stede unde vast tho holdende sunder hulperede unde alle argelist. Unde des tho tuchenisse unde merer bewaringe hebbe wy Hinrick, Wolmer, Ludeke, Hinrick, Marquart unde Hartich, knapen vorbenomet, unse ingesegele mit guden willen unde wytschop vor dessen breff gehenget, de geven is tho Uthin in deme jare na Gades bordt Dusent veerhundert in deme achteden jare, uppe Sancti Martins dach, des hilligen Bisschuppes.