XCVII.

Шкъ Ш ÎÔoîxooto »erfauft bem ßlofier %ш$ЬЫ Die £áífte m Mto= twer ©eeб für 1000 Шаth i486, Scmuaï 18.

(F. 12, No. 3.)

Ick Detleff van Boekwolde, Clawes sone wanaftich tho der Hasselborch in deme kerspele tho der Krempen, bekenne unde bethuge apenbare vor alle den jennen, de dessen breff seen effte horen lesen, unde vor alsswem, dat ick mit willen unde vulborde miner erven unde negesten unde alle der jennen, der my erer vulbord dar tho noed unde behoff was, hebbe reddeliken unde rechtliken vorkofít unde uppe- laten, unde jegenwardigen vorkope unde uplate, mit krafft desses breves, tho eynem ewigen unde steden erffkope, deme innigen tho Gade vadere ern Georgio Priori tho der Arnsboken unde deme gantzen Convente darsulvest Carthusers orden, nu jegenwardich unde thokamende unde erem orden, vor dusent marck lubesscher penninge, de my de vorschreven er Georgius in gudem golde unde gravem sulvergelde tho Lubeke genge unde geve, tho gantzer noge wol bethalet hefft, dede vort in mine unde myner erven mercklike nutticheit gekamen sint unde gekeret, minen halven see tho Altona belegen in dersulven veldtmarcke tho deme halven zee belegen by Zusell, mit aller frygheid, visscherie, mit waaden groth unde kleine, mit allen kleinen touweu unde groth, mit korven unde mit watterleye, dat me kan unde mach sick des sees bruken, nichtes uth- genomen, mit der Borchstede in deme see belegen, unde mit der wissche, de dar vor licht, beth tho den Ekwriden, dar de pale stan unde steene liggen, mit deme frygen uthwege unde inwege aver min gud tho de Borchstede unde tho deme see, wor unde wo vaken unde wanner den Carthusern unde den eren dat ewen kumpt, tho varende

127

ridende, gande und wankende doch my unde minen luden tho nemen schaden unde nadele in wissche effte in korne, unde mit allen uthvloten unde invlothen, unde de uth- vlothe in der hude qwitt unde fryg twee stucke breed landes, dale wart na deme stechbroke, dar de pale stan unde stene liggen, sunder dat holt, dar hebben wy nene ansprake ane mit aller nutticheit, rechticheid, herlicheid, mit allem rechte unde gerichte, aversten, middelsten unde sydesten, an hals unde hand, unde slichtes mit allem egendome. upkominge, brukinge unde aller fryghed, alse de see unde visscherie alle vorbenomet in alle sinen enden aller friest belegen unde begrepen ist, so qwit unde fryg, alse mine erven unde ick na, unde unse vorvaren den vorbenomeden halven see mit sinen thobe- horingen benomet unde unbenomet, fryest gehatt hebben unde beseten, nichtes darbuten beschedende. Men de see vorbenomet schal bliven in synem wesende, hoch efte syd, also he sick sulven stouwet in vorlopinge der tidt. Ock schal ick unde wil mine erven unde lansten nicht visschen effte visschen lathen in deme vorbenomeden see, noch mit weren, korven, netten, heket, angele, heilen, hamen, strik up staffwaden effte wor mede me vissche fangen kan, me nome dat denne wo me dat nome, en tho vorvange effte nadeel. Unde ock den see vorbenomet nicht uthgraven effte uthgraven laten uppe nenen orden, enden offte scheeden; ock uppe nenen enden, orden unde scheeden an- schoet hebbende efte tho beholdende my unde minen erven tho nenen tiden; ock nene schepe, kanen effte vlothe, id sy wes des sy, dar up tho hebbende, nichtes nicht dar inne tho beholdende, men allene borninghe unde water tho erer behoeff. Unde altho- hand schal ick, mine erven unde lansten alle kanen unde schepe van deme see bringen effte bringen laten, unde tho ewigen tyden dar nene meer up tho hebbende. Weret dat mine lansten hir baven dedén effte visscheden mit watterleie dar me vissche mede fangen effte krigen kan, unde so dar aver van den Carthuseren effte den eren begrepen worden, so scholen unde mogen de Carthusere unde ere nakomelinge de jennen angri pen, gripen laten effte upholden, schutten unde thoven unde bringen in ere slothe sunder rechtganck, sunder vorklacht effte vorkundinge, ofte mit densulven jenen bruken geistlikes effte werltlikes rechtes, wo den Carthuseren dat bequemest ist. Dessen halven see mit aller vorbenomeden thobehoringe vorschreven schal unde wil ick Detleff unde mine erven dem vorbenomeden. ern Georgio Priori unde gantzen Convente tho der Arnsboken unde alle eren nakomelingen rechte warende wesen unde entfrygen van aller ansprake enes jewelken, de vor recht kamen wil binnen jare unde dage, also in deme lande tho Holsten en recht ist, unde jegenwardigen waren unde entfrygen uppe miner unde miner erven egene kost, arbeid unde eventure, sunder alle list, behelpinge effte hulperede. Unde hebbe darumme vor my unde minen eryen deme vorschreven Priori unde deme gantzen Convente tho der Arnsboken vorbenomet vorlaten unde jegenwar- gen vorlate minen halven see vorbenomet mit allem egendome unde frygheid, unde

128

hebbe se vortmer unde alle nakomelinge hirup voret unde settet, vore unde sette se vor my unde minen erven in kraft desses breves in de ewigen hebbende weere, in den ewigen egendoem unde fredesame besittinge mines halven sees, also alle vorschreven iss, unde vortige unde vorlate, vor my unde mine erven, allen egendoem unde alle recht, dat ick darinne hat hebbe bette nu tho, efte dat ick efte mine erven jennigerwiss darinne hebben mochten nu unde in thokamenden tyden, idt sy wes des sy. Alle desse vorschreven stucke unde artikele besammeliken unde besunderen love ick Detleff van Boekwolde, bavenschreven hovetman, vor my unde myne erven, dem vorschreven ern Priori unde gantzen Convente des klosters tho der Arnsboken vorbenomet mit minen nageschreven medeloveren, alse her Hans van Alevelde, ridder Benedictes sone ~tho Dorninge, her Johan van Boekwolde, ridder olde Detleves sone, Benedictus Pogwissche Wulves sone unde Hans van Boekwolde Henrikes sone, knapen, loven in guden truwen unde geloven stede unde unvorbraken sunder alle arch wol unde vast tho holdende, unde love vort vor my unde myne erven tho erer truwen hand dit sulve alle den jennen, de dessen breff hebben mit erem willen, unde hebbe des tho groterer tuchenisse min ingesegel wytliken hengen laten an dessen breff; unde wy her *Hans van Alevelde ridder, her Johan van Boekwolde ridder, Benedictus Pogwissche, Hans van Boekwolde, knapen vorbenometh, bekennen unde bethugen apenbare in dessem breve, dat wy mit Detleve van Boekwolde vorschreven unde sinen erven den vorbenomeden ern Priori unde gantzen Convente tho der Arnsboken jegenwardigh unde thokamende hebben gelovet unde loven mit macht desses breves, mit sameder hand, alle vorschreven stucke in guden truwen stede unde vast sunder alle arch unde sunder alle behulpinge geistlikes unde werltlikes rechtes ungebroken wol tho holdende, unde de sameden hand een vor alle tho holdende, unde hebben hirumme tho groterer bekantnisse in gudem loven unse ingesegele witliken unde mit willen hengen heten an dessen breff, dede geven is in dat jar na der bord Christi dusent veerhundert dar na in dem soes unde achtentigesten jare, des middewekens na Antonii.

XCVIII. .

®etle» oon S3oftt)olî> gelobt, bem %teШЬШ Äíofrer bie Шщйфe unb fûrftltc&e ©enetymtgung beê oorftebenbert SSerfaufè ju oerfd)affen. I486, Sanuar 19.

(f. �?«, No. 4.)

Ick Detleff van Boekwolde Clavessone, knape, wanhafftich tho der Hasselborch in deme karspel tho der Krempe, bekenne unde betuege apenbar vor alle den jennen.

129

de dessen breff seen effte horen lesen, nnde vor alsweme, dat ick unde mine erven deme innigen in Gade ern Georgio Priori, Johanni Cordes Schaffere unde gantzeme Convente thor Arnsboken Carthuser orden, hebbe in guden truwen nnde vasten loven vor my unde mine erven, mit minen truwen medeloveren naschreven gelovet unde jegenwardich love, dat ick schal unde wil. unde mine erven, den vorbenomeden Carthuseren vor Sancti Michaelis dage negest thokamende schicken van minem gnedigsten hern Johanne tho Dennemarcken, Norwegen, der Wenden unde Gotthen koninghe. gekoren koninge tho Schweden, unde sines broders herrn Friderikes hartogen tho Sleswick, ock tho Holsten, Stormeren unde der Dithmerschen hertogen, tho Oldenborch unde Delmenhorst greven, enen wille breff uppe den koep unde den breff van deme Althenaer See. Des tho merer tuchenisse hebbe ick min ingesegel etc., unde wy Emeke Ratlow tho deme Voderkampe, Detleff van Boekwolde Detleves sone tho Neverstorppe, unde Borchart Krummedyk tho dem Cletkampe in deme karspel tho der Nienkercken, bekennen unde betuegen apenbare in dessem breve, dat wy mit Detleve van Boekwolde unde sinen erven vorschreven, den vorbenomeden ern Priori unde Johanni Cordes Schaffere unde deme gantzen Convente thor Arnsboken hebben gelovet unde loven mit macht desses breves mit sameder hant, alle vorschreven stucke in guden truwen stede unde vast sunder alle arch unde alle behelpinge geistliches unde weltlikes rechtes tho holdende, unde de samende hand ene vor alle tho holdende Unde hebben tho grother bekan- tenisse in gudeme loven unse ingesegele witliken unde mit willen hengen heten vor dessenn breff. dede geven is int jar na der bordt Christi etc. dusent veerhundert dar na in deme sos unde achtigesten jare, des Donnerdages vor Fabiani unde Sebastiani. der hilligen Marteler.