Nos Wysento miseracione diuina prepositus, johannes decanus totusque Walthusensis ecclesie conuentus publice profitemur, Quod honorabilis vir dominus Hainricus de Chu^einigswis, protunc plebanus in Mu^eldorf ac ecclesie Frisingensis vicarius generalis, nobis ac dicte ecclesie nostre in suffragium triginta duo talenta denariorum monete Wyennensis tradidit, pro quibus tres libras reddituum infra vnius anni spacium comparare tenemur, eas ecclesie nostre ad oblagium perpetuo dotando tali condicione, ut singulis ebdomadis pro diebus suis, videlicet in sexta feria in ara sancti Spiritus circa capitulum hora diei prima vnam missam de Annunciacione gloriose Virginis cum collecta pro salute viuorum per vnum ex nostre fraternitatis collegio celebrari faciamus, et post ipsius dicti domini Hainrici obitum eadem missa de beata Virgine mutabitur in missam defunctorum cum collectis consuetis perpetuo pro ipsius anime ac omnium predecessoruni suorum requie a nobis et nostris successoribus celebrandam. Quicunque igitur ebdomadarius erit in dicendis missis ad sanctum Augustinum et in ara sancte Katharine, hic eciam celebracioni misse predicte alligatur. Adicimus eciam hoc, ut ipsius prefati domini Heinrici deposicionis anniuersarium diem post eius de hoc exilio memorabilem transitum singulis annis cum vigiliarum ac Missarum suffragijs nos nostrique successores perpetuo peragamus. Deputamus autem ipsi memorato domiuo Heinrico tres libras predictas reddituum super aduocacia bonorum nostrorum in Marcharczdorf a domino de Tyernstain empta, quoadusque tria certa talenta reddituum ad nostrum oblagium pro pecunia suprascripta conparentur. Quo etiam facto eadem nostra aduocacia ab hoc libera est cedens in vsus nostros priores. Et si insuper quisquam dominorum nostri conuentus, quemcunque ordo tangeret, in predictis missis negligentiam aliqualem conmitteret, quod absit, tunc idem eodem die omni prebenda et consolacione sua prorsus carere teneretur. Si vero ex obstinencia quadam seu negligencia voluntaria per tres dies continuos in dicte misse celebracione negligens esset, quod absit, tunc idem dominus tum sua consolacione cum prebenda tamdiu careat, quousque neglectas missas plene replicet, duas videlicet missas semper pro vna neglecta celebrando. Si autem post ipsius sepefati domini Heinrici de Chu^enigswisen obitum sepedicti domini prepositus et conuentus dicte nostre ecclesie uel nostri successores eius anniuersarium solitis vigiliarum ac missarum suffragijs, ut premissum est, post trinam ammonitionem a dominis preposito et capitulo ecclesie Ardacensis infra vnum mensem fiendam quoquomodo peragere negligerent, quod absit, tunc idem domini prepositus et capitulum ecclesie Ardacensis de decem solidis reddituum ex suprascriptis redditibus pro ipsius (sic) pecunia emptis libere se intromittant eos perpetuo iure proprietatis possidendo. Pro quibus eciam beneficijs prenomnati domini Heinrici de Chu^enigswisen anniuersarium ut superius expressum perpetuo peragere obligabimur. In quorum omnium testimonium nostri Wysentonis prepositi et conuentus prenominate ecclesie in Walthausen sigillorum munimine scriptum presens fecimus roborari. Datum Anno domini M°. CCC°. XLVIII° Georgij Martiris.

Source Fulltext: OÖUB 7 (Wien 1876) S. 53f., Nr. 57