Wir Albrecht von gotes gnaden Hertzog ze O^esterreich, ze Steyer vnd ze Kernden tu^en chunt mit disern brief vmb den hof gelegen in Munzpekcher pharr, den di erbern vnd geistlichen leut - der probst vnd - der conuent von Waltzhusen gechaufft habent von Herman dem Gratzer, vnd der lehen von vns ist, Daz wier die aygenschaft desselben hofs durch Got vnd durch vnser vnd vnsrer vordern sel hail willen geben haben vnd geben ouch mit disem brief zu dem vo^ergenanten go^etshous ze Waltzhausen also, daz der probst vnd der conuent daselbs den egenanten hof mit alle den nutzen vnd rechten, die dartzu^e geho^erent, fu^erbaz in aygens gewer innhaben vnd niezzen sullen vnd allen iren frumen da mit schaffen, als mit anderm irem aygen gu^et, daz zu ierm gotshous gehort, an alle ierrung. mit v^erchund ditz briefs. Geben ze Wienn an sand Agathen tag nach Christes gebu^erd dreutzehen hundert jar, darnach in dem nevn vnd viertzkisten iar.

Source Fulltext: OÖUB 7 (Wien 1876) S. 94, Nr. 95