Nos Heinricus dei gratia monasterij in Waldhausen prepositus ordinis sancti Augustini canonicorum regularium Pataviensis dyocesis vniuersis cupimus fore notum, quod nos fratrum nostrorum conuentualium in vestitu defectuminspicientes paterna moti clemencia ipsis super huiusmodi penuria conpaciendo pro releuacione suarum vestium sex talenta reddituum wiennensis monete donauimus tempore, quo hoc facere potuimus, pro tunicis sibi abinde conparandis, et eosdem prouentus sive redditus ipsis deputauimus iure censuali super ecclesia sancti Georij, cuius ius patronatus ad dictum nostrum spectat monasterium per reuerendum dominum Gwidonem T. T. (Tituli) sancte Cecilie presbiterum cardinalem ac apostolice sedis legatum iuxta litterarum suarum continenciam cum omnibus iuribus suis et pertinencijs prefato nostro monasterio incorporatam seu annexam, nostro quoque labore inpetratam. Quicunque ergo nostri collegij aut quicunque alter post discessum uel decessum domini pro tunc ibidem plebani in eadem ecclesia sancti Georij officium plebanatus rexerit, predicto conuentui in Waldhausen annuatim eundem censum, videlicet sex talenta denariorum wiennensium porrigat sine qualibet contradiccione. Quem censum etiam ab eodem plebano equali iurisdictione sepedicti fratres conuentuales extorqueant quemadmodum et in alijs censualibus suis ecclesijs census suos exigere seu extorquere consueuerunt. Vt ergo prescripta consolatio sepedictis nostris fratribus in Waldhausen per nos ex eorum beneplacito supplici et consilio facta rata et inuiolata permaneat, presentes nostri ac sepefati nostri conuentus sigillorum munimine curauimus roborari jn testimonium premissorum eas sepedicto nostro conuentui assignandas. Datum et actum anno domini M°. CCC°. XLIX°. jn die sancti Michahelis archangeli jn domo habitacionis nostre in Waldhausen.

Source Fulltext: OÖUB 7 (Wien 1876) S. 137f., Nr. 139