(I)N dei nomine amen. Nos perchtoldus de wa^ehing prepositus ecclesie omnium sanctorum, alias sancti Stephani in wienna patauiensis dyocesis, Iudex delegatus a sede apostolica in causa infrascripta specialiter deputatus Olim litteras recepimus apostolicas||
sub hac forma:||
||
Nun folgt die Bulle vom 13. Februar 1378.||
Quarum siquidem litterarum auctoritate predictum Symonem perpetuum vicarium ecclesie sancti Georij predicte ad instantiam venerabilium virorum prepositi et Conuentus Monasterij in walthusa fecimus in Iudicium euocari, eo vero seu eius procuratore legitimo in Iudicio comparente ex parte predictorum prepositi et conuentus libellus fuit oblatus talis tenoris: Coram vobis Reuerendissimo patre et domino Magistro perchtoldo preposito ecclesie omnium sanctorum in wienna Iudice ad subscripta per sedem apostolicam specialiter delegato procurator et procuratorio nomine venerabilis domini mei domini fridrici prepositi et ipsius Monasterij in walthusa Contra dominum Symonem prouicario seu rectore ecclesie parrochialis in sancto georio patauiensis dyocesis et contra quemcunque pro eo legittime conparentem dicit et conquerendo proponit, Quod idem Symon dictum Monasterium xvj. libris denariorum wiennensium census percipiendi annue ab ecclesia parrochiali predicta, quem ipsum Monasterium possidebat, indebite spoliauit necnon citra XIIJ libras denariorum similium sibi per dominos Georium de purstendorf et Cholomannum Rectorem Ecclesie parrochialis in walthusa ipsius Monasterij professos de bonis eiusdem Monasterij diuisim tamen concessas ac mutuatas et pro ipso taliter disponente persolutas ||
soluere contradicit, ex quibus ad ualorem Centum florenorum et vltra idem Monasterium dampna pertulit et expensas, quare petit idem procurator quo supra nomine, per uos domine iudex pronunciando declarari, spoliacionem huiusmodi fuisse ac esse indebitam dictumque Monasterium restituendum esse et per uos restitui dictumque Symonem ad hec necnon ad census neglecti suo tempore declarandi et centum florenorum ac mutui predictorum solucionem compellendum fore et compelli vestra sententia mediante, hoc dicit prout nunc post modo meliori probaturiis dumtaxat prohibendo intento, necessaria addendi, minuendi, corrigendi alioque Iuris beneficio sibi saluo. Lite igitur coram nobis legitime contestata prescitoque hinc et inde de Calumpnia vitanda et veritate dicenda Iuramento factis quoque posicionibus et ad ipsas responsionibus subsecutis, datis eciam articulis, testibus et instrumentis productis et atestacionibus (sic) publicatis tandem conclusis extitit a partibus hinc inde. Nos igitur diligenter visis et auditis partium rationibus et probacionibus investigatis quoque ad plenum ipsius cause meritum et equa iusticia large discussa, deliberacione insuper nobiscum et cum iuris peritis habita diligenti christi nomine invocato partibus propter hoc in nostra presentia constitutis et sententiam ferri postulantibus prefatos dominos prepositum et Conuentum seu eorum procuratorem procuratorio nomine pro eisdem in quasi possessionem percipiendi census petiti predicti videlicet xvj. librarum wiennensium denariorum sententialiter in hijs scriptis reducimus et prefatum dominum Symonem ad restitutionem ipsius census cum pensione subtracta condempnamus et ipsum ad hoc compellendum fore decernimus Condempnantes eciam eundem dominum Symonem ad expensas litis ipsarum taxacione nobis in posterum reseruata Saluo semper iudicio proprietatis (?), in quo eidem domino Symoni preiudicare per nostram sententiam non intendimus diffinitiuam. In cuius rei testimonium duximus presentes nostri sigilli appensione muniri. Datum wienne in curia nostre habitacionis decima die mensis nouembris anno domini M°. CCC° LXXVIIJ°.

Source Fulltext: OÖUB 9 (Wien 1906) S. 526-527