Wir Sigmund von gottes gnaden Rom. kunig, zu allen zeiten merer des reichs, vnd zu Hungern, Beheim, Dalmacien, Croatien, etc. kunig. Bekennen vnd tun kund offenbar mit diesem brieff allen den die in sehen oder hören lesen, daz wir angesehen haben willige dinste vnd vnverrückte trewe, die vns vnd dem reiche vnd der crone zu Beheim der edel graff Hans von Wertheim, vnser lieber getreuer, ofte vnd dicke beweist, vnd getan hat, teglichen tut vnd zu tun willig ist in kunftigen zeiten, vnd haben darumb mit wolbedachtem mute, gutem rate vnd rechtem wissen demselben grafen Hansen vnd seinen erben vnd nachkommen grafen zu Wert heim, diese gnade getan vnd freyheit gegeben, tun vnd ge ben im die von Rom. vnd Beheimischer kunigl. macht voll kommenheit in crafft diss brieffs: daz niemand, in welchem wesen vnd stete der sey, fürbas mere einigen burgerlichen oder

222

stattliehen Innre hi der gr afschaff zu Wertheim erheben, machen, vfwerfen solle, ohne guten willen, vcrhengnuss vnd wissen desselben graf Hansen vnd siner erben vnd nach kommen graffen zu Wertheim, in einigerweis: vssgenommen das dorn" Neuenbrunne in Würtzburg bistumb gelegen, darumb der meister teutsches ordens in deütschen vnd welschen lan den, für vnsern lieben oheim, hertzog Hansen von Bayern, der an vnser statt alhie zu gericht sass, gerechtsame daselbst hat, dabey er vnd der orden bleiben sollen, nach lautt des gerichtsbrieffs darüber gegeben. Vnd wir gebieten darumb allen vnd jeglichen, vnsern vnd des reichs fürsten, graten- freyen, edelen, rittern, knechten, burgermeistern, reten vnd gemeinden der stete, merckte vnd dörfere, vnsern vnd des reichs getrewen ernstlich vnd vesticlich von vnser kunigl. macht, mit diesem brieff, daz sie die obg. graffen von Wert heim an den vorberürten vnsern gnaden nicht hindern noch irren in kein weis, als lieb in sey, vnsere vnd des reichs swere vngnad zu vermeiden, vnd bei verfellung vnd verlie sung einer pene zwanzig marck löttiges goldes, der ein jeglicher, der darwider tete, als oft vnd dicke dos geschicht, verfallen sein soll, halb in vnser vnd des reichs Kammer. vnd das ander halbteill, den obgn. graffen zu Wertheim vn- lesslich zu bezalen. Mit vrkund diss brieffs versigelt mit vns. kunigl. maj. insigel. Geben zu Pressburg nach Chr. geb MCCCCXXIX jar, am freitag vor dem hl. Christngr, vns. reiche des Ungr. im XLIJI., des Rom. im XX. vnd des Behem. im X. jare.