Wir Eberhart grafe zu Wertheim bekennen offenlielten an disem briefe vnd tun kunl allen luten die in sehen ader

135

horen lesen wann wir fürsichtiklih vnd wol bedehtiklich fürsehen vnd bedaht haben daz vnser herreschaft vnd gra feschaft zu Wertheim niht wol zwene leyenherren ertragen ader erlyden mag vnd wann wir die selben vnser herreschaft vnd grafeschaft zu Wertheim dem edlen vnserm lieben süne Johans vor czijten bescheiden vnd gemacht haben nach vn serm tode vnd im auch die selben vnser herreschaft vnd grafeschaft zu Wertheim machen vnd bescheiden mit vrkündt disses briefes nach vnserm tode mit aller der besten wyse als daz billich kraft vnd maht hat vnd haben sal vnd czu den geczijten da wir von jjots gnaden lybs vnd müts ge sütit vnd mügende waren vnd wir von den selben gnaden gots auch mere süne haben die wir von der selben vnserr herreschaft vnd grafeschaft fürsehen vnd bedenken sollen vnd wollen als billich vnd müglich ist, des haben wir mit gütem rate, günste vnd willen des obgenanten vnsers lieben si'ms Johans graten zu Wertheim den edlen vnsern lieben sünen Friderichen vnd Eberharten von der vorgefi. vnserr herre schaft vnd grafeschaft gegeben gemacht vnd bescheiden vnd geben machen vnd bescheiden in auch reht vnd redelich mit diesem briefe nach vnserm tode mit der besten wyse als wir vermogen vnd als daz auch volle kraft vnd ganezo maht hat vnd haben sal vnser dorlf Terdingen mit allen sinen zügehörden versucht vnd vnuersücht mit luten gerihte gälten guten czinsen czehenden nüczzen vnd vellen walt wasser vnd weide wingarten ecker vnd wisen nihts behalten ader vssgenümen also wann wir gesterben vnd von todes wegen veruallen da got lange vor sij, so sollen sie züstünt one allen fürezug vnd widerrede des vorgen. Johans vnsers süns daz iczgenant dorff Terdingen mit allen sinen zügehor den vorgeschriben ist yn nemen vnd besiezzen vnd gerü- welich ir lebtage inne haben vnd nüczzen vnd nyessen on alle widerrede, vsgenümen die schefery da selbs zu Terdin gen mit iren nüczzen vud vellen, die sal die edel wolge- born frauwe Katherin grefinn zu Wertheim vnser liebe eliche husfrauwe nach unserm tode on alle widerrede der vorgen. vnd aller anderr vnserr kinder ir lebtage inne haben vnd nüczzen vnd nyessen die wyl sie lebt on allez geuerde. Vnd wann sie gestirbet vnd von todes wegen veruallen ist daz got lange verbiet, so sal dann die selbe schefery zü Terdingen vff die vorgen. vnser zwene süne Friderichen vnd Eberharten geuallen vnd sollen sie dann die selben schefery mit dem vorgefi. dorlfe Terdingen mit allen sinen zügehorden

136

ir lebtage inne haben vnd nüczzen vnd nyessen on alle widerrede. Wir wollen auch vnd machen wann der vorgefi. vnserr süne Friderich vnd Eberhart einer gestirbet vnd von todes wegen veruellet, daz got lange wende, daz dann daz vorgen. dorff Terdingen halbez mit allen sinen zugehorden vnd mit der schefery daselbs auch halp wider an vnd vfF die vorgen. vnser herreschaft vnd grafeschaft zu Wertheim geualle vnd veruallen sij on alle widerrede des andern der dann lebt on allez geuerde. Auch wollen wir vnd machen, daz der vorgen. vnser sün Johans daz vorgen. dorff Terdin gen mit allen sinen zügehörden die wyl vnd ez in der vor- gefi. vnserr süne Friderichs vnd Eberharts ader in ir eins hant der dann lebt ist hegen schüczzen hanthaben, schuren vnd schirmen sal glich andern sin selbs guten on allez geuerde: wir machen auch vnd wollen wann der iczgefi. vn serr süne Friderich vnd Eberhart einer vff tusent guldin gelts ader so vil jerlicher gülte vnd nüczze die sich vff tu sent guldin gelts jerlicher gülte treffen von gots gaben hat, ader gewinnet, so sal dann daz egenant dorff auch halp mit allen sinen zugehorden, on alle widerrede des andern an vnd vff die vorgefi. vnser herreschaft vnd grafeschaft geuallen vnd veruallen sin. Were aber daz sie beide ir iglicher vff tusent guldin geltes ader mere von gotsgaben jerlicher gülte hetten ader gewünen, so sölt dann daz iczgefi. dorff mit allen sinen zügehörden vnd mit der schefery daselbs auch gancz an vnd vff die vorgen. vnser herreschaft vnd grafeschaft zu Wertheim geuallen veruallen sin, on alle widerrede. Auch machen wir vnd wollen wer ez sache, daz dheynerley kriege, ader zweyünge züsschen den selben vnsern zweien sünen Friderich vnd Eberhart werden, ader vff stünden von des selben dorfes gerihtes lute schefery, gülte, ader gilt wegen, so wöllen wir, daz der iczgenant vnser sün Johans züsschen in vmb solche kriege vnd zweyünge ein glieher steter ob- man sal sin on allez geuerde vnd wie ez der selbe Johans vnser sün dann vmb solche kriege vnd zweyunge züsschen in rilitet, daz sollen sie beidersijt halten vnd sollen auch des geuölgig vnd gehorsam sin on alle widerrede. Auch machen wir vnd wollen daz die vorgefi. vnser zwene süne Friderich vnd Eberhart vnd ir iglicher besünder von disses gemechts vnd gebens wegen verezihen vnd verezihe luterlich vnd gar vff die vorgenante vnser herreschaft vnd grafeschaft ztl Wertheim vnd vff allez daz daz darezü vnd dar in gehort on allez geuerde on vff daz dorff Terdingen mit sinen zü

137

gehonten als vor an disem briefe begriffen ist vnd ensollen auch sammenthaft ader besonder nach der selben vnserr herreschaft vnd grafeschaft fürbass mere nymmer mer ge sprechen noch gesten on allez geuerde, ez were dann daz der vorgefi. Johans vnser sün sturbe vnd veruiel on lehens erben daz süne weren, on allez geuerde, vnd waz sie dann beide, ader ir einer dann guts rehtes zu der selben vnserr herreschaft vnd grafeschaft hetten, daz sölte in dann auch on alle widerrede behalten sin. Wir machen auch vnd wollen wann wir vnd die vorgefi. frauwe Katherin vnser liebe eliche husfrauwe gesterben vnd von todes wegen veruallen, da got lange vor sij, daz dann die vorgefi. vnser zwene süne Fri- derich vnd Eberhart ob sie leben, ader ir einer, der dann lebt vnsern hoff in vnserr stat zu Wertheim gelegen an dem Meyne der etteswanne Rücker veren was ir lebtage ge- rüwelichen sollen haben vnd nüczzen vnd nyessen vnd sol len ir lebtage dar inne wonen ob sie wollen vnd sollen in auch vnuerseczzet vnd vnuerkümmert halten, on allez geuerde: vnd sollen auch die gots gabe in sant Elsbethen capellen an dem selben hofe gelegen ob sie dann ledig wir- det lyhen sie beide ader ir einer, der dann lebt, on alle widerrede vnserr erben on allez geuerde. Auch haben wir vns behalten gancze maht vnd vollen gewalt vnd behalten vns auch die mit disem briefe, alle vorgeschriben dinge zu wandeln zu widerrufen zu lutern zu merern vnd zu minnern wann vnd zu welcher czijt wir iy gesundem lybe vnd mit guten vernünftigen sinnen wir wollen on geuerde vnd on alle widerrede. Zu vrkünde vnd güter sicherheit aller vorge schriben dinge geben wir disen brieff mit vnserm vnd der obgefi. vnserr lieben süne Johans, Friderichs vnd Eberharts anhangenden ingesigeln wissentlich versigelt vnd wir Johans obgen. grafe zu Wertheim bekennen offenlich mit disem briefe daz alle vorgeschriben ding als sie von worte zu worte an disem briefe begriffen vnd geschriben sint mit vn serm gutem rate günste vnd willen geschriben sint. Vnd globen auch alle die selben vorgeschriben ding, als verre sie vns an rüren, veste vnd stete zu halten, on allez geuerde vnd haben auch des zu guter vrkunde vnd vester sicherheit vnser eigin ingesigel zu des obgefi. vnsers lieben vaters grafen Eberhart grafen zft Wertheim ingesigel an disen brieff wissentlich heissen gehangen. Vnd wir Friderich vnd Eberhart obgefi. grafen zu Wertheiin veriehen vnd bekennen, daz alle vorgeschriben ding mit vnserm guten worte vnd

138

willen geschehen sin vnd haben auch von disses obgeschri- ben gemechts wegen vff die vorgefi. iierreschaft vnd grale- schaft zu Wertheim vnd vff allez daz daz darczü vnd darin gehört verczigen vnd verczihen auch dar vff lurerlich vnd gar mit vrkünde disses briefes, on so uil, als vns von T er gingen vnd waz darczü gehört, als vor an disem briefe begriffen ist verschriben vnd vermacht ist vnd enwollen noch ensollen nymmermere nach der selben herreschaft vnd grafeschaft gesprechen noch gesten heimlich ader offenlich on geuerde; es were dann daz der vorgen. Johans vnser lieber bruder veruil on lehens erben, daz süne weren, waz wir dann beide, ader vnser einer der dann lebt, guts reht zü der selben Iierreschaft vnd grafeschaft hetten, daz solt vns dann auch on alle widerrede behalten sin vnd globen auch alle ding die an disem briefe begriffen vnd geschriben sint, als verre vnd sie vns an treffen vnd ruren veste vnd stete zu halten on allez geuerde. Vnd haben auch des zu guten waren vrkünde vnd ganczer vestikeit vnser iglicher sin eigin ingesigel an disen brieff zu der obgefi. vnsers lieben vaters grafen Eberharts grafen zu Wertheim vnd vnsers lie ben brüder grafen Johans auch grafen zu Wertheim anhan genden ingesigeln wissentlich heissen gehangen, diser brieff ist gegeben zu Wertheim, als man czalte von vnsers henen Christs gebürte, drüczehen hündert jare vnd ein vnd sibenczig jar, an sant Bartholomeus abende, des heiligen czwelfpoten.