Michel von Wertheim ertheilt, betr. das Halsge- • rieht in der Grafschaft Wertheim. 1434. Juli 19.

Wir Sigmund von gottes gnaden Rom. kaiser, zu allen zeiten merer des reichs, vnd zu Hungaren, zu Beheim, Dal matien, Croatien etc. konig bekennen vnd tun kund offen- bar mit diesem brief allen den die ihn sehen oder hören lesen, daz wir haben angesehen vnd sunderlich betrachtet solich redlichkeit, biederkeit vnd verminfte, so die edelen Hans vnd Michel gebrüdere, grafen zu Wertheim, vnsere vnd des reichs liebe getreue an sich hant vnd auch treue vnd willige dinste, die sie vns vnd dem reiche oft vnd dicke williglich vnd vnverdrossentlich getan hant, teglichen tun vnd fürbas tun sollen vnd mögen in künftigen zeiten, vnd haben darumb mit wolhedachtem mute, gutem rate vnd rech tem wissen den vorgen. grafen diese besundere gnade getan, in gegünnet vnd erlaubet, tun, gönnen vnd erlauben in von Rom. kaiserl. macht vollkommenheit in crafft diss brieffs, wann oder wo die obgen. grafen oder ire ambtlute in iren gerichtea übelthätig vnd schedlich leutt vf frischer tade fahen, begriffen oder ankommen mögen oder ob solich übel

247

tatig oder schedlich leutt, die sie oder die iren also begriffen vor zweien oder mehr geschworenen rete vnd scheffen be- kenten, das sie übeltätig vnd schedlich leutt weren, als oft das beschieht, vnd zu schulden kombt, das sie oder die iren über die, ohne ander merer erzeugnuss vnd olm besiebenen eidt wol richten vnd die bestraffen sollen vnd mögen nach irem bedünken vnd darnach sie es verschult hetten, von allermeniglich vngehindert. Vnd wir gebieten darumb aller- meniglich, in welcher vesten oder statt der ist oder die sint von Rom. kaiserl. macht ernstlich vnd vestiglich mit diesem brief, daz sie die obgen. grafen an dieser vnser gnad nit irren oder hindern in kein weiss, sundern sie dabey handhaben, schützen vnd schirmen vnd gerüwiglich bleiben lassen, als lieb einem jeglichen sey vnsere vnd des reichs schwere vngnad zu vermeiden. Mit vrkund diss briffs versi gelt mit vnserm keyserl. maj. insigel. Geben zu Ulme nach Chr. geb. im MCCCCXXXIV jare, am nechsten montag vor Marie Magdalena tag, vnserer reiche des Ungr. im XLVIII., des Kom. im XXIV, des Behem. im XIV. vnd des keyserthumbs in dem andern jaren.