Wir die schoflen gemeinlichen der zente zu Wertheim, bekennen offenlich an diessen brieff vnd tun kunt allen den die in ansehen ader horen lesen, datz wir sprechen vnd ha ben gesprochen vff vnsser eide die wir vnsserm herren von Wertheim vnd vnsserm herren von Wirtzpurg an gerichte gesworen haben iedem herren zu sinen rehten datz vns wissen vnd kunt ist vmb datz gerichte der zente zu Wert heim, detz ersten datz man datz gerichte heget mit dem kunige vnd mit vnssrem herren von Wertheim vnd mit vnss- rem herren von Wirtzpurg mit den schoffen vnd mit den lantfolk: auch sol vnssres herren amptmann von Wert heim den stap in der hant haben vnd der mag auch alle busse lassen varn die wiele er an gerichte iste on datz datz an den hals get, vnd wass er auch busse lesset, die sole er durch Gotts willen lassen on golt vnd on silber: auch mag ader sale ein zentgreffe von Hohenburg vnssres herren zentgref- fen von Wertheim nit me vff sinen eit gefrogen, danne wir stünden in dem jar wass er busse lasse varn, datz er die an gelt vnd an silber lasse varn. Auch were etz sache, datz ein schoffe ader suste einer wer der wer an die zente soltc sweren, der sale einem amptmann vnssres herren von Wert- heim mit truwen an die hant geloben vnd datz dornoch zu den heilgen sweren yedem herrn zu gewarten zu sinen rech ten: auch mag vnssres herren amptmann von Wertheim schof fen vnd schrieber vnd bütcl setzen vnd entsetzen, on eins amptmanns von Hohenburg wort ader wissen. Auch wanne man ein schedlichen man verderben ader vervrlteln wiele,

157

so iste die dritte froge vnssres herren von Wirtzpurgen ampt- man vnd wanne die froge geschieht, so sole vnssres herren von Wertheimb amptman den stab wieder in die haut nemen vnd sole furbatz richten. Auch mag ein amptmann vnssres herr n von Wertheim, datz gericht vff slagen ader gerichte haben wanne er wiel, vnd auch als dicke als er wiel on ein amptmann von Hohenburg. Auch wer etz sache dutz ein geschrey in der zent würde, würde danne datz lantfolk er- mant von vnssres herren amptman von Wertheim, so solten sie vnssrem herren ader sinem amptman noch ziehen vnd volgen, wue er ader sine amptlute sie hin ermant: auch wer es datz datz lantfolk in der zent ermant würde von einem amptman von Hohenburg so solt sich datz lantfolk bereiten vnd solte nyrgen ziehen bis datz ein amptman vnss res herren von Wertheim zu in keme. Auch wanne man ein schedlichen man verderbet, so hot ein amptman vnssres her ren von Wertheim den gewalt, datz er erleuben mag, datz man den getöten man mag begraben on eins amptmans von Hohenburg wort. Auch wanne datz iste datz man einen ver derben wiel, so sal ein butel datz verkünden ein umptnmn von Hohenburg drie tage vor, kumet der amptman von Ho henburg danne nit, so mag ein amptman vnssres herren von Wertheim richten; auch wanne datz were datz ein gesetzete zente were vnd ein schedlich man dar bracht würde, so solt man es den amptman von Hohenburg nit verkünden, so mag auch vnssres herren amptman von Wertheim gerichte haben, etz sy datz ein amptman von Hohenburg kumt ader nit. Auch were etz datz ein schädlich man ynd der zent zu Wertheim gefangen vnd begriffen würde, den solt man gein Wertheim in den thurm antworten: wer etz aber sache datz man in bie tage ader von vinschaft wegen nit gein Wertheim mochte brengen, so mag man in furen gen Hohenburg in den thurn vnd den sullen die amptlute zu Hohenburg detz andren tuges helffen antworten gen Wertheim vnd sollen datz auch tun an golt vnd an silber vnd on aller slachte mite. Auch were etz datz vnsser herre von Wertheim ein schedlichen man vinge vsswendig der zent zu Wertheim vnd brechte in gen Wert heim, mit dem mag vnsser herre von Wertheim thun und lassen wass er wiel. Auch sule vnsser herr von Wirtzpurg ein swigenden zentgreffen haben, hette der aber nach ichte zu fragen, der solt yme vnssres herren von Wertheim zent greffen heissen fragen würnoch er yme heisset frogen, welt er yme zu viel heissen fragen, duchte etz danne die schöffen

r

158

vngitlich sin, so solt er douon lussen, auch hat vnsser herre von; Wertheim den gewalt, datz er den galgen mögen heissen setzen wu ader an welche stat er wiel in Wertheimer marck. Vnd ich Cuntz Phiele vnd Heintz Pleich, Hans Munch, Rein hart von Hartheim, Lutz Ochse, Hans Schultheiss genant Irmut, Herman Fuhss, Sebot hofschultheiss, Cuntz vnd Hans Klinghart von Vockenrod gebrudere, Hans Klinghart der junge, Eyberhart von Lynach, Setz Bulach, Balssam Fenster, edelknechte bekennen datz vnd ist vns auch kmdlich vnd wissentlich vnd sin auch do bie gewesen vnd haben datz auch gesehen vnd gehort theilen vnd offen an der vorgc— nanten cente Wertheim die vorgenante schoffen an der selben zent Wertheim, datz sie alle vorgeschriebene rede stucke vnd artickel haben gesprochen vnd geoffent vff die eyde die sie vnssrem herren von Wertheim vnd vnssrem herren von Würtzpurg gesworen haben an die vorgenante zente Wert heim yeglichem herren zu sinem rechte als datz hier vor von wo/t zu wort beschriben stet, wass iglicher herre rech tes an die vorgenannte zente hat ader haben sule vnd datz zu vrkunde vnd warem gezugniss, so han ich Cuntz Pheil, Heini/ Bleich, Hans Münch, amptmann zu Kulsshen, Lutz Ohsse, Hans Schultheiss, Hermann Fuhss von Raunenberg, Sebot hofschultheiss, Cuntz vnd Hans gebrudere von Vocken rod genant Klinckhart, Hans Klinghart der junge vnd Bals sam Fenster vnssr ingesigel an diessen brieff gehangen vnd vnder den ingesigel ich Reinhart von Hartheim vnd Eyber hart von Lynach vnd Sitz Buler vns auch bekennen alle vor- geschriben rede, datz die also sin als vorgeschriben stet, datum geoffent vnd gesprochen worden vff den nehsten mon- tag vor saut Martinstag, datum anno dom. MCCCLXXXIV jare.