Wir diese nachgeschriben von den graven vnd der rit- tcrschaft des landes zu Francken, mit namen: Otto von Got tes gnaden grave vnd herre zu Hennenbergk, Johanns grace »u Werthen, Philips grave zu Rienecke der junge, Michel, Sygmundt der alte vnd Sygmundt der junge herren zu Schwartzenburgk, Hilteprant ritter, Werner Wylhelm Dietze, Wyprecht, Reynhart, Moritze, WoIffe, Neythart vnd Philips alle von Thungen, Asmus vnd Jeronimus, rittere, Friedriche, bede Cuntze, Michel, Jorge, Arnolt, alle von Rosenbergke, Darius von Hesbergk, Otto ritter, Cuntze, Heintze vnd Hil- deprant von Steinau Steinrucken genant gebrudere, Wyl helm von Bebenbergk, Linhart von Mossbache, Anthonius

299

von Bybra, Heintze truchsesse zu Lanckheim, Hans, Moritze zu Tündorffe vnd Wylwolt alle von Schawenburgk, Wilhelm ritter vnd Wolffe adel von Tüttenheym, Thoman, Jorg vnd Diether Rüdden von Collenburgk vnd Bodigken, Jorge von Ehenheim zu Brawenecke, Bernhart zu Steinawe zu Bireck- lawe, Leypolt truchsesse, Hans, Jorg von Abspergk, Jorg von Hartheim, Philips vnd Daniel voigt von Rienecke ge brudere, Merten vnd Reynhart von Ussigken, Symon vnd Kilian von Stetten gebrudere bekennen gein allermenigliche, als vnser vorderñ vnd eltern von grauen, herren vnd deme adel obgemelter ritterschafft zu hanthabe irs loblichen her- kumens, auch den freyheiten bei weilent loblicher gedecht- nusse dene bischoftlichen fursten des stiffts Wirtzpurgk uiit irem plut vergissen veröbert, sich etwe offt zu hanthabe desselben vndter eine vereiniget vnd zu hauffe getan ein zeyt jare langk inn gütter weyle versehyenen etc. hant wir angesehen, bewegen vnd betrachtet, welher gntten meynungu semlichs durch sie bescheenn vnd in allerbesten desselben forms, inn vnser vordem, auch eltern fussestapffen gedretten, vns dorauff vndterredt vnd zwuschen vnser auch andern die sich hernocher zu vns thun werden, dorumb eins verstend- nüsse vereyniget, nachgemelter forme: ob eyner adir mehe vndter vnns durch imandts vndterstanden würden von sol chem alten herkomen vnd freyheiten der ritterschaft zu dren- gen, desgleichen ob eyner adir mehe vberzogen ime sein schloisse, stette oder befestigunge angewonnen würden wid der recht oder aber zu fangknüsse on vhede genommen, das wir alle obgemelten vnd die sich hernocher zu vns det- ten, deme ader demselben sullen troistliche hylffe vnd bey- stand erzeygenn, sie zu hanthaben vnd zu behalten bej deme alten herkomen vnd freyheiten obgemeldet, auch der fangk nusse on vhede zu erledigunge aller sunder weygerunge vnd behelffe getrewliche vnd vngeverliche. Als wir dann solichs mit truwen an eydes stat einander gelobt, gerett, vnd ver- sprochenn haben, dorzu disen brieffe midt vnsern innsiegeln besiegelt, des die nachvolger beybrieffe geben sullenn. Hiebej ist auch sunderliche abegeredit, ob ausse vnns obge- melt auch die sich hernocher zutze vnns thun wurden eyner adir mere eynichem furstenn grauen herren oder andern welichs standes der adir die sein mochten midt pflichten, eydten adir ausse verschreibungen gewant weren adir wür den, weihe verwantnüsse sie verbünde, widder dene adir die selben nit zu sein noch zu thunde, die sie nit auszusagen

300

hetten wegen deme oder denselben vnd nit weyter solte er frey vnd müssigk stene, dieses verstentnüsse vnd vertraigs zu ermanen alles sunder argk geverde vnd argeliste. Diese verstentnüsse sol auch weren vnd bestene drewe jare die nechsten vnd alle wege in berurter zeit eyner von grauen, eyner von dene herren vnd einer ausser der ritterschaft der ihenen midt dene namen herinnen auffgeschriben, macht hane ein iglichen der des begertt sunderliche von der ritterschaft vnd zum lande Francken gehorigk einzunemen mit pflichten vnd vfl" ein beybrieff diesem verstentnüsse als wir vns vndter- eyne vereyniget zu geleben. Datum am montage nach dem suntage Quasimodogeniti als man von der geburt Cristi vn- sers herren tawsent vierhundert achtzigkvnd drewe jare zelet.