In nomine s. et individue trinitatis. Boppo Comes de Wertheim. Cum in ordinatione rerum omnium et gestorum sanum et efficax sit testimonium literarum, quod calumnias emergentes refellit, nude veritatis tenore presentium notum fore cupimus universis tam presentibus quam futuris. Quod dilecti in Christo Abbas et conventus in Brunnebach bona sua in Reicholsheim, que per conversos suos hactenus ex- colentes multis retroactis temporibus libere, quiete et absque omni jure advocatitio, angariis sive perangariis possederunt, majoris utilitatis obtentu saniori nunc freti consilio, nostro quoque consensu adhibito colonis tradiderunt secularibus ex- colenda, bonis ipsis per mansos aequaliter distributis: ad sin- gulos mansos agrorum sexaginta jugera et pratum uiium ju- gerum assignando. Hec igitur sicut inter fratres et colonos convenerat tenebitur forma pacti: de singulis mansis solven- tur annis singulis decem maltera siliginis et duo tritici in fratrum granarium assignanda: ita sane, ut quicunque an- nonam suam ante nativitatem s. Marie virginis solvere ne- glexerit, nisi grandinatione, vel notabiliter agri vastati juxta morem censualium satisfaciat aliorum. Jus quoque debitum et consuetum, quod Heuberecht nominatur, coloni suo tempore solvere non tardabunt. Dictos autem mansos, quilibet colo-

Wcrtheiin. 1 rktntdcnhttrh. (

34

norum hac pacti recipiet ratione, ut quamdiu solvent, quod promisit, majoris census obtentu nequeat amoveri. Non valens pre inopia solvere compromissa relictis absolute bonis sine fratrum molestatione recedet. Preterea, si quisquam metu eorum hostilitatis ibidem non audeat residere, amicum suum quemeunque qui certus sit et fidelis pro se poterit de con- sensu collocare, qui agros vice ipsius excolens censum sol- vat, alioquin soluto censu relictis absolute bonis recedet, nihil de edificiis vel agris aut agrorum culturis vendere presumens preter domorum aedificia in impensis propriis instaurata, que ad emendum primuui fratribus exhibebit ac postea de consensu eorum, cum redimere recusarint, vendet ea, cui placuerit, qui certus esse ac promptus in reddendo fratribus censu debito perpendatur. Uti igitur hec fratrum cum colonis suis conventio debitam obtineat firmitatem et nulla in posterum ambiguitas vel calumnie occasio valeat suboriri, paginam hanc exinde conscriptam tam nostro quam Abbatis Brunnebacensis sigillo duximus roborandam. Testes sunt: Rupertus Prior in Brunnebach. Henricus major Cella- rius. Arnoldus Camerarius. Conradus. Swerius. Nortwinus. Suvellerarius. Monachi. Frater Winandus et frater Wucherus. Frater Bertoldus conversus. Crafto de Reicholsheim. Ulricus de Gamburc. Milites. Hartmannus scultetus de Wertheim. Henricus. Godefridus. Dietericus eccl. diaconi in Wertheim. Godefridus monetarius et alii quam plures. Actum anno do- mini millesimo ducentesimo quinquagesimo primo. Indictione octava.