Wir Rudolfl graue czü Wertheym, Elisabeth vnser elich wirtin, Eberhart vnser son bekennen für vns vnd alle vnss. erben der geinwertigen vnd den kunftigen, daz wir mit ge- samenter hant, mit bedachtem mut vnd rat vnss. frunde recht vnd redlich verkaufft haben vnd verkauffen mit disem brieue die gut vnd die gülte czum Heiler, davon vns ierlich valleud funffzehen malder korns, darczu die gulte vnd die gut die llerbort vns. schultheiss czum Selbolt von vns hat vnd auch die korngulte an der Hart czum Selbolt versucht vnd vnver- sucht, was darczu gehoret, darczu den wynzehenden an dem Hirtzberg by Geilnhusen vnd den zehenden czum Sifri- des versucht vnd vnversucht vnd vnss. fischweide czum Sel- bult, als wir sie bissher bracht haben vnd auch die ander vorgeschrieben gulte vnd gut vnd haben vssgenommen alle die recht vnd gewonheit, die wir von gerichtswegen czu den egeschr. guten gehaben mogen vnd auch vnss. eygen lude abe der off den guten icht sesse oder sitzen würden, dem erben geistl. manne hern Helfrich apt czu Selbult vnd sy- nem stiffl vmb funfhundert phunt heller an vier vnd czwen- zig phunt heller guter werunge, der wir vnd vnss. erben von yne beczalt sin genczlich vnd gewert vnd wir in vnss. nucz empfangen haben. Auch hait der vorgeschr. apt durch der vorgeschr. gut und gülte wegen den erbern knecht Rudolf vom Hane czu manne bewiset, der auch vnss. mann darvmb worden ist, als gewonlich vnd sittlich ist. Auch hait der vorgen. apt vnd sin stifft vns vnd vnsern erben die fruntschaft getan, wann wir oder vnser erben kümen, stetes czwischen wyhennachten vnd milfasten vnd wolten die vor geschr. gut vnd gulte widerkeyfen, so sullen syn vns die wider czu kauffen geben vmb als vil gelts, als syn die ge kaufft haben vns, an alle widderrede mit allen nuezen vnd rechten als wir yne die geben haben angeverde vmb als vil gelts als sye die gekaufft haben. Auch ist geret, abe die lant- siedel die off den egeschr. gutem sessen suimick weren an der gulte jerlich zu langen dem vorgen. apt vnd sinem stillt, so sullen sye vnss. anptmann, wen wir dann vber das ge- richt zu Selbold haben, darvmb zu sprechen, der sal yne helffen, daz yne yr gülte vnd czinse von den egen. guten»

105

geticht werden. Tete der amptmann des nicht vnd were daran sumick, do mochten sye selbe vmb gülte ader czinse pfenden off den guteern, was yne der versessen were an vnss. czorn: oder sye mochten off den guten ein landsiedell dincke besitzen vnd nemen von dem landsiedel, der solch gult ader czinse versessen hatte, nach der andern landsiedell vrtheil das gut offnemen als recht vnd gewonlich ist, vnd dasselbe gut czu besitzen mit eym andern landsiedell angeverde. Auch ist geredt, wanne alle die vorgeschr. gulte vnd gut vnss. phant sint von dem riche, wer es sache, daz daz riche dieselbe gulte vnd gut von vns losen wolt vnd ledi gen, wanne wir dann von dem riche beczalt werden, solichs gelts als vns die phant stent, das wir keins des geltes we nig oder viel in keyn vnss. nueze wenden oder kern sullen, wir haben danne den vorgen. apt vnd sinem stifft yrs geltes als vorgeschr. stete gewert vnd beczalt genczlichen vnd gar vnd das globen wir by guten truwen angeverde. Were aber, daz sye daran bruch gewinnen, das Gott nicht wolle, so mogen sye manen die burgen, die hernach geschriben sint, die vesten knecht Hermann Kruchitz, unss. schultheissen czu Wertheym, Kolbuz Waltmann vnd Hanneman Vogt czu Bruberg, die wir yne zu burgen daruber gesaczt haben, vnd mannen die von yne ader von yren gewissen boten ge- mant werden, so sullen sye leisten yr iglicher mit eym knecht vnd eym pferde in eins offen wirtes huse zu Geilin- husen als lange bis yne des vorgen. gelt genczlich vnd gar wirt beczalt vnd gerichtet. Were auch daz vnss. herr der kunig oder das riche den vorgeschr. kauff bestatiget mit sym brieff vnd siner verhangnusse, so sullen vnss. vorgeschr. burgen der egeschr. burgschafft ledig sin vnd loiss. Auch ist geredt, daz die landsiedell vff den egen. guten haben sollen alle die recht czu walde, zu wasser vnd czuweyde glicher- wise als vor. Wir globen auch, daz wir die vorgen. nicht sullen yrren noch hindern an keyn yren gulten, guten oder rechten, die wir yne verhaufTt haben, als vorgeschr. steit angeverde. Auch ist geret, abe die landsiedel vff den vor geschr. guten von armut oder notkeit yr erbe an den guten verkauften musten, welch die weren vnd das die vorgen. der apt vnd sin stift das erbe an den guten kaufften vnd sye die mit buwe besseren, dieselben besserunge sullen wir yne ablegen, wanne wir die gut wiederkauften, nach rat vnd wort der ander lantsiedell, dye by demselben gut, das gebessert were, nyden vnd oben nechste sint gesessen.

106

Wolten wir das nicht tun, so sullen sye darutT erben haben als ander vnss. lantsiedell vnd sullen auch wir die recht vnd gewonheit haben czu denselben guten die gebesseret we- ren als zu den andern vnss. guten darvff die andern vnss. lantsiedel gesessen weren, als lange bis wir yne den buwe oder die begerunge als vorgeschr. ist haben widerleget. Were auch daz vnsser vorgen. burgen keyner abginge, storbe ader von dem lande fure, des gott nitwolle, so sullen wir einen andern als guten setzen an sin stat angeverde, inwen dig ein vierteljars oder abe der leistende pferde in der lei- stunge keins abginge, wes das were, der sal ein anders entworten an desselben stat in virtzehen tagen nehst dar nach; geschee des nit, so sollen die andern vnss. burgen leisten biss vssgeschicht angeverde. Vnd zu merer sicherheit vnd stedigkeit aller dirre vorgeschr. sache geben wir disen vnss. brieff mit vnss. vnd vnss. burgen ingesiegeln besiegel ten, die alle mit vnss. wissen daran gehenckt sin. Vnd wir Hermann Walther, Waldmann und Hanemann die vorgen. veriehen vnd bekennen burgen czu sin als vor von vns ge schrieben steit vnd globen auch also zu tun vnd czu leisten, obe es zu schulden queme, wann wir gemant werden von dem vorgen. apt vnd sinem stillt mit guten truwen an alle geverde, vnd haben vnss. ingesiegell durch bete Millen der vorgen. Grafe, Elisabeths siner elichen frauwen, Eberhart yrs suns vnd yrre erben gehangen an diesen brieff, der ge ben wart nach Cristus geburt MCCCXLVIH jar an dem fry- tag nach dem suntage quasimodog. nach Ostern.

[Der Brief des Abts Helfrich von Selbold für die Wiederlösung ist d. d. 1348. l'er. VI. Hnte Vit. Martin]