Wir Wilhelm Graue von Katzenelnbogen, Friderich Wil- degrauve von Kyrburg, Landeslod von Elcz, Philippes von Schonecke, Heinrich von Syntzeche, Paulus von Eych, Con rad von Lossenich, Wilhelm von Vrley vnd Niclas von Smy- deburg, Rittere, dun kunt allen luten, daz wir da by waren, da der erwirdige in gote vater vnd herre, vnser herre Bal

99

dewin, Ertzbischof zu Triere, einen retlichen dritten dag hilt in sinen Palaste zu Triere, als gein etlichen sinen vnd sines stillts mannen, die ir lehen, die sie von yme vnd sinem stitlte hatten vnd haben sulden, niet empfangen hatten: mit Ramen gein den edeln herren dem hertzogen von Brabant, dem Lantgrauen von Leuchenberge, dem Grauen Bndolph von Wertheim vnd gein dem edeln manne hern Albreche Hummel von Lichenburg vnd hern Conrades seligen von Winsberg erben, vnd waz der dag vff die mitwochen vor palmen, da man zalte von gotes geburte nach Trierer bis— thomes gewonheit drutzehenhundert vnd ein vnd vierzig jar. Vnd sazen wir Friderich Wildegrave vorgenannt alda zu ge- riche von vnsers egenannten herrn von Triere wegen vnd das da vor vns vnd andern vnsers egenannten herrn von Triere mannen, der da vil was, wol zubracht vnd verkunt- schaffet vnd uberkommen wart, daz der egen. herre von Triere zwene retliche dage vorgehalden hette vmb dieselben sache gein den vorgen. herren vnd daz vff die egen. Mit- tewuchen sin rechter dritter dag ware, vnd daz vff alle die vorgen. dry dage, die egen. herren mit vrteil vnd nach vr- teil vnsers egen. Herren von Triere mannen, die daby wa ren, vnd als von geriches wegen rechte vnd redeliche ge heischen waren, vnd daz die von vnsers egen. herren von Triere wegen vnd von sinem vorsprechen mit namen von mir Pauls von Eych vorgenant, den er darzu geheischen an geriche vnd gekoren hatte, gefraget waren von vns vnd von andern vnsers egen. herren von Triere mannen, die daby waren, vssgenommen vnsers Friderich Wildegrauen vnd Pauls von Eych vorgenannt, die da niet vrdeileten, wan vnser einer zu geriche sass vnd der ander vorspreche, waz vnsers egen. herre von Triere erteilet wart mit gemeinem vrteil, wann vnser vorgen. h. von Triere siner drier dage von dem einen zu dem andern biz an den vorgen. dritten dag vssgewartet hette, gein den vorgen. Herren, vnd beide vff den vorgen. dritten dag, vnd auch vff die andern von den vorgen. herren nyman kummen were, noch sich dieselben herren von iren lehen die sie binnen jare vnd dage als recht were von vnserm egen. h. v. Triere nit enphangen hatten, nit verantwurtet betten, daz vnser egen. herre von Triere sin clage vnd sin recht gen den egen. herren, als von denselben lehen wol vnd redeliche ervolget hette vnd sine lehen an da sten oder da miede sinen willen dun mochte, als yme auch vffe dem ersten dag wart erteilet. Vnd hie

G*

100

by sint auch andere vnsers cgen. herren manne vnd andere biderbe lude vil gcweset. Vnd des zu vrkunde han wir vnser ingesigele an diesen brief gehangen, der da gegeben ist an der vorgen. Mittewuchen vor Palmen vnd in dem vorgen. jare, da man zalte nach Gots geburte nach Trie rer Bistums gewonheit drutzehenhundert vnd zwey vnd vier zig jare.