Wir Ebirhart grafe zu Wertheim, vff ein siten, vnd wir Lukard frauwe zu Eppinstein vnd Cunrade herre zu Wins- perg, der iczgenanten frauwen Lukarden sün, den wir frauwe Lukard vorgenante dise hernach geschriben teilünge mit vns haben zu vnserm teil heissen getan, vff die andern siten, bekennen offenlich an disen briefe fur vns vnd alle vnser erben vnd tün kund allen den, die in sehen ader hören le sen, daz wir mit wohl bedachtem müte vnd mit willen vn- serre güten fründe vff beide siten, einer teilunge vff vnd in vnserre bärge Bruberg, vber ein recht vnd redelich kumen sin, mit solchen vnderbunden als hernach geschriben stet. Des ersten, ist vns grafen Ebirhart dem vorgen. vnd vnsern erben zu teil worden: als man zu der bürge hin in get zu der linken hant, daz halbteil der bürge, daz ettes wann des von Trimperg was, von eim ende biz an daz ander, ez sy vnder der erden, ader darobe, ez sy hülczin ader steinin, ön die capelle die sal gemein sin, darczu der kelr vnder der capellen, ist auch vns vnd vnsern erben zu teil worden: darczu kelrhals vor demselben kelr, als der begriffen ist. Auch die nehste Bime die ob der capellen stet, ist auch vns vnd vnsern erben zu teil worden. Vnd darnach die oberste büne, die ob der capelle stet, ist vns frauwen Lukarden, Cunraten herrenzü Winspergden vorgen. vnd vnsern erben zu teil worden. Vnd darczu sal vns vnd vnsern erben der vorgen. vnser nefe grafe Ebirhart vnd sin erben wege geben daruff vnd darabe

111

zu kumen ön geverde. Darnach ist vns frauwen Lukarden, Cunraten herren zu Winsperg vnd vnsern erben zu teil worden die hofestat an der capellen, die man nennet der Gral vnd waz gehüses stet von dem crutz, daz an den ca pellen gehauwen ist, biz hin vünne gein dem Crücz hinder dem turn, ez sy vnder der erden ader darobe, ez sy hülezin ader steinin vnd vff denselben teil als iezünt benant ist, mogen wir vnd vnser erben an die bürgmüren vnd vff die bürgmüren büwen, waz wir wölten, ön allez geverde. Darczu ist geredt, wer daz wir ader vnser erben wölten einen kelr büwen vnder dem Gral, so solten wir keinen kelrhals verrer in die bürg büwen, danne als die müren vorn begriffen hat. Auch mogen wir ein zitlich stegen vorn vff, vff daz selbe hus machen lassen vnd der füss derselben stegen sol ane gen an der ecken vnsers hülezinen hüses bi dem Gral vnd die höhe derselben stegen sal sich ziehen gein der capellen ön geverde. Mere ist geredt, wer daz wir das vorgen. vnser hülezin hüs, daz bi dem Gral stet, wölten vnderbüwen, daz sölt wir nit verrer her vss in die bürge begriffen danne als die vndersten balken winden ön allez geverde. Darnach ist vns grafen Ebirhart dem vorgen. vnd vnsern erben zü teil worden von dem erücz an, daz binden an dem tur n gehauwen ist, da auch vnserer vorgen. mümen frauwen Lukardeu vnd Cunrates herren zü Winsperg vnd irre erben teil wurdet, biz an die ruckmüren vnd her fur biz an das Crücz hinder dem torhüse, daz an die vorgen. ruckmüren gehauwen ist, vnd von demselben crücz hinwider biz gein dem crücz daz vorn an dem türn gehauwen ist, mit allem büwe als der flecke gelegen ist, ez sy vnder der erden oder darobe, ez sy auchhülzein ader stei nin: vnd vff den selben teil als iezünt benant ist, mögen wir vnd vnser erben an die bürgmüren vnd vff die bürgmüren büwen waz wir wölten on allez geverde. Auch ist geredt, daz daz tor, daz in die bürg get vnd der turn vnd die cistern vnd daz torhüs vnd der erker vff dem tore vnd der flecke vff der ruckmüren ob dem torhüse biz an das crücz hinder dem tor hüse vnd der weg in die bürg, solten vns vnd vnsern erben gemein sin, iglichem zu sime rehten vnd zü sime teil als im worden ist, ön allez geverde. Auch sal die gemeinen wege an die burg vorn an biz hinden vss nieman verbüwen, ön allez geverde. Mere ist geredt, daz nieman dem turn, so nohe büwen sal, er sölle völleklich siben schühe nach der lenge zwschen dem turn vnd dem büwe, vünne vnd vünne lan, An den büwe der iezünt gebüwet ist, ob der nit

112

so vil da uon stet, daz sal ön geverde sin. Vnd wanne derselbe büwe wird abe getan, so sal manne furbaz auch siben schuhe von dem tflrn büwen, ön allez geverde. Auch ist geredt, daz nieman keinen turn, noch kein tor in die egen. burg machen sal, ez sy danne mit willen siner gan erben ön allez geverde. Dise vorgeschriben teilünge als sie von stücken zü stucken vnd von worten zü worten begrif fen ist, han wir Ebirhard Grafe zü Wertheim vorgen. fur vns vnd vnser erben vff ein syten vnd wir Lukard frauwe zü Eppenstein vnd Cünrat herre zü Winsperg für vns vnd alle vnser erben vff die andern siten globet vnd globen mit disem briefe in güten trüwen an eydes stat war, veste, stete vnd vnverwandelt zü halten vnd dawider nymmer zü kumen heimlich ader offenlich an geistlichem noch an werltlichem gerichte, mit worten noch mit werken vnd söllen auch nie manne zulegen, der daz von vnsern wegen tün wölte, als verre wirz gewenden vnd gehindern mögen, ön allerley ge verde vnd argeliste. Vnd des zü vrkunde vnd guter sicher heit han wir alle vnd iglieher besunder vnser eigen ingesi- gel an disen vnsern offen brieff heissen gehangen. Auch sin bi disen vorgeschr. teidingen vnd bi ir iglicher besünder ge- weset die erbern vesten manne her Rudolf von Limpurg thumherre vnd erezpriester des stiffts zu Wirczburg, vnser lieber mag schenke Cünrat von Erpach der junge, auch vn ser lieber nefe, vnd her Ulrich Paucy rittere, Herman Se- man, Arnolt von Frienstein, Richart Halber, Gunther von Alespach, Hamman Synant, Heinrich Wombolt, Synant von Rosenbach, Henchin von Reybach, Peter von Rorbach, vnd Heincz Bache edelknechte vnd vil anderre erbere lüte etc. Diser brief ist gegeben nach Crists geb. MCCCLVH jare vff die nehsten mittewochen nach s. Marcus des hl. evangelisten.

[Bei Schneider Erbach. Hist. p. 577 ungenau gedruckt.]