Wir Rudolf Graue zu Wertheim vnd Ebirhart vnser sün tun kunt an disem brief allen den die in sehen odir horen lesin, daz wir durch besundir lieb, die wir tragen vnsern burgern gemeinlich in vnsir stad Wertheim vnsern lieben getreuen, dii fruntsehaft getan han vnd tun mit disem brieve vnd des mit in vhereynkumen sin als hernach geschriben

107

stete: zum ersten mal wollen wir, wer er were edel odir vnedel, geistlich odir weltlich odir welches wesens er dunne were, der bethaft gut in vnsir stad Wertheim [odir vssjwen- dik in der mark kauft hette, sijt der zijt daz wir mit vnsir stat daz gemecht machten, des sii [vnsir] oflln briefi" hon, odir furbaz kauft, der odir dij, sullen daz virbeten vnd dar aus bede geben nach marczal der pfunde glich andern vn sirn burgern ze Wertheim ongeverlich. Auch wollen wir, daz nyeman kein win iu vnsir stat Wertheim schenck, er gebe danne bede vnd geschoz mit vnsern burgern on [dij] gut, dij vor alter in der stat gefryet sin vnd dij wir selbe gefryet hon, dij wol win schenckin mugin. Auch wollen wir ob yemand kein fryet gut in vnsir stad Wertheim kauft,

were oder welch dij dij bedegnoz weren, die

sullen daz odir dij güt virbeten vnd auch bede geben nach marczal der pfunde glich andern vnsirn bürgern ongeverlich. 'Auch wollen wir, daz nyeman kein win legein unsir stad Wert hemi ongeverlich. Vnd dise vorgeschr. stücke wollen wir ongeverlich stete vnd vnverwandelt halten vnd gehalten wer den, als lange dij brief weren, die wir der stat vormals geben han, were auch, daz wir der vorgenanten stucke je man icht erlaubten odir erlauben wolten, daz solten wir tun mit rat vnsir burger. Vnd zu vrkunde dirre egeschr. sache geben wir den egen. vnsirn bürgern disen brief mit unsirn insiegeln, dij mit vnsir wissen in besiegelten. Ceben am inontak vor h. Kather. tak nach Cristus geburt drüczehin hundert jar vnd in dem eyn vnd funfzigsten jare.