Wir Johannes graue zu Wertheim bekennen offentlich mit diesem brief, das wir dem vehsten Eberhard Klinckhard- ten, Cuntzen Klinckhardts seligen sone, vnserm lieben ge- trewen, dise nachgeschriebene stucke halb ime vnd seinen miterben zu tragen, welche von irem vatter an sie geerbt, zu rechtem manlehen vnd burglehen geliehen haben, mit nahmen: den hof zu Vockenrodt mit seiner zu vnd einge- hörung. Itcm das gericht zu Vockenrodt vnd Ösinggesess mit allen seinen rechten. Item den zweitteil am grossen vnd kleinen zehenden zu Vockenrod vnd Ösinggesess. Item die rechte an dem dorf vnd landsiedeln zu Vockenrodt vnd Ösing- gese, es sei an vogteien, zinsen vnd gülten, als es vonn alter herkommen ist. Item das holtz genant das Kolbenrodt vnd ein wisen hinden daran. Item den zweitteil am zehen den in der Läherlingen gross vnd klein. Item die zinss in vnd vber der Leberlingen. Item den zweitentheil am zehen den gross vnd klein vff der Beune, als man vf den Brum- berg gehet. Item der zinss vf der Bäune vnd an den Brum- berg. Item die zinss inwendig vnd ausswendig der stat Wertheim, in der mark. Item die landsiedel zu Creutzwert- heim, zinss vnd recht daruf. Item die mule in der Vagen- buch mit allen iren zinssen, gülten vnd rechten daruff. Item zwei malter konis vff der holtzmülen. Item zwei malter ewig

301

gült vnnser nnilen vndter Holzkirchen gelegen, die gegen der holtzmülen abgewechselt sindt. Item ein drittheil am weinzehenden zu Holtzkirchhauten. Item die gutter zu Fau lenbach die Frischenbachs waren. Item die zinss auf den ackern vnd wisen vmb Vockenrodt, Ösinggesess, Nassaw, Sonderried, Sachsenhausen, Dorlesperg, Waldenhausen vnd die stat Wertheim. Item der theil zu Schweigern — alles manlehen, als ire anhern Eberhard Klinckhard solchs gehabt. Zum halben theil des Philips Klinckhardt. Cuntzen brader den andern halbentheil gebraucht vnd für sich empfangen. Darzu zu burglehen den hof halber mit seiner eingehorunge in der stat Wertheim, des Philips auch den andern halben theil empfangen. Das alles von vns vnd vnser graffschafft zu manlehen vnd burglehen gehet vnd rüret. Vnd wir haben inie von sein vnd seiner miterben wegen, das alles geliehen, was wir ime von rechtswegen daran zu verleihen haben. Doch mit behaltnus vnser, vnserer erben, der mannen vnd menniglich an vnsern vnd iren rechten, darüber er vns mit trewen gelobt vnd zu den heiligen geschworen hat, vnser, vnser erben vnd graffschafft zu Wertheim schaden zu war nen, frommen zu werben, auch die obgenanten man- vnd burglehen von seiner vnd seiner miterben wegen getreulich zu verdienen, zu empfahen vnd zu tragen, so oft vnd dick das not geschicht, vnd als solches man- vnd burglehen ge- wohnheit vnd recht ist. Vnd wan die andern miterben, so theil oder gemein daran haben, zu iren tagen kommen, so sollen sie jeder sein theil auch sonderlich empfahen, tragen vnd verdienen. Alles ohne geverde. Zu vrkundt versiegelt mit vnserm anhangenden insiegel, der geben ist nach der geburt Christi, als man zehelet thausend vierhundert achtzig vnd fünff jar, am dotmerstag nach dem sontag lleminisccre.