CIX.

С In nomine sanctae et indiuiduae Trinitatis. Chuonradus diuina fauente clementia rex. Si seruomm Dei peticionibus facilem aurem accommodantes, locis diuino cultui manci||patis aliquam munificentia nostra adicit immunitatem, unde commorantes inibi securius et commodius uitae celestis quietudini ualeant inseruire, existimamus hinc presentibus uti felicius ac mansuris perfrui beatius. Quocirca nouerit omnium Christi nOStriquc fidelium cautela, tam presentium quam succedentium, qualiter nos pro remedio anime nostrç parentumque nostrorum, nec non interuentu ac peticione dilectç coniugis nostrç GISEL/E regine et uene- rabilium Archipresulum Aribonis Mogontini atque Piligrimi Coloniensis, traditiouem Hluduwici imperatoris, quam tradidit ad monasteria quorum unum est monachorum noua Corbeia nuncupatum, aliud est sancti- monialium Heriuordi nominatum, quae pie memorie genitor illius Hluduuuicus imperator ad normam pre- cipuorum in Gallia monasteriorum construxiî, Corbeiense uidelicet ad similitudinem antique Corbeie, He- riuordense uero ad Suessionis similitudinem, abbati Corbeiensi commendauimus, ut iuxta consuetudinem qua ancillarum Dei congregationibus procuran solent prepositi ex ecclesiastico ordine, tam in disciplina quam in cunctis negociis que famulç Christi pro sexu et profes^ione sua exequi non possent, ipsarum pro- uisor et рatronus existeret. Pro elemosina autem generis sui tradidit cellam que uocatur Meppia cum decimis et possessionibus undique ad eam pertineutibus, et ecclesiam Heresburc circumquaque per duas saxonicas rastas ad nouam Corbeiam, ad Heriuordense uero monasterium in episcopatu Asnabruggensi ecclesiam Biunidi cum subiectis sibi ccclesiis, in parroechia Mimierncuordi ecclesiam Reni cum his quae ad eam pertinent ecclesiis, ita sane ut decimarum aliorumquc redituum prouentus omnes prefatis cederent monasteriis, et ab ipsis uicissim procurentur subiecte plebes, in baptismate, in eucharistia, in sepulturis, in confessione peccatorum audienda, et presbiteri qui principales ecclesias tenerent archipresbiterorum officio fungerentur, ad agenda omnia que solent fieri ab archipresbiteris episcoporum, et cum ipsi episcopi circationes suas ibi agere deberent, ad eorum mansionem daretur ut in capitularibus antecessorum nostro rum prescriptum habetur, uidelicct quantum satis sit eis dari, et episcopi non plus querant, nec cum pluribus ueniant, quam tit eis sufficere possint. Ne autem in summa debiti episcoporum seruitii plus exi- geretur quam opus sit, statuerunt predictarum ecclesiarum episcopi cum consensu synodali coram ante- cessore nostro Ottone imperatore et archiepiscopo Rhabano ceterisque cum eo in synodo agentibus, ut dentur ad singulas ecclesias porci UII. ualentes singuli denarios XII. aut arietes VIII. tantundem ualentes, porcelli UII. auce UII. pulli VIII. Situle XX. de medone, de mellita ceruisia XX. de non mellita LX. panes CXX. de auena modii C. manipuli DC. essetque in potestate episcoporum, utrum hçc per singulas ecclesias ad unum mansionaticum an ad dua ucllent habere. Statuit ergo prefatus antecessor noster Otto imperator liberam utrique loco concessionem eligende de propria congregatione in regimen sui per futura semper tempora congrue personae, et ut nullus iudex publicus licentiam in homines ad prefatum monasterium Heriuordense pertinentes ullam iudiciariam habeat exercere potestatem, sed omnis eorum res coram ad- uocato ipsorum definiatur. Quam constitutionen! antecessorum nnstrorum iustam et rationabilem, nos quo- que predicto monasterio Heriuordensi precepto nostro regali confirmamus atque corroboramus. Et ut hec confirmationis nostrç auctoritas stabilis et inconuulsa omni permaneat oeuo, haue paginam inde conscriptam manu propria roborantes, sigilli nostri impressione iussimus insigniri.

Signum dorn ni Chuonradi (L. M.) regis inuictissimi. Odalricus cancellarius nice Aribonis archicapeuani recognoui.

Data UII. Id. Januar. Indictione VIII. Anno dominice incarnationis M.XXV0. Anno uero domni Kuon- radi secundi regnantis Io. CORBEIE.

Das Siegel ist verloren gegangen.

102 5. 87