In nomine sancte et individue trinitatis amen. Frater Berchtoldus abbas monasterij sancte Marie in Salem ordinis cisterciensis Constantiensis diocesis sacrosancte theologie professor executor quoad infra scripta a generali capitulo una cum reverendo in Christo patre ac domino domino Colomano abbate de sancta Cruce in Austria dicti ordinis cisterciensis Pataviensis diocesis in solidum deputatus religiosis dominabus abbatisse totique conventui sanctimonialium in Schlierbach presentibus ac succedentibus ejusdem suis in virginis filio cum syncere affectionis glutino dulcissimis filiabus salutem et propter augmentum religionis continuato cursu ornata lampade cum sponso coelestes nuptias inire. Paci tranquillitati et necessitati vestre paterna volentes sollicitudine providere, ut quo quietius eo liberius divinis laudibus intendatis, hinc est quod ad vestram omniumque aliorum et singulorum tam presentium quam futurorum cupimus notitiam devenire, quod hoc anno generali in capitulo certis de causis et legitimis de impedimentis in Divione celebrato facta fuit quedam diffinitio ad instantiam fundatorum predicti monasterij tenorem qui sequitur continentem. Frater Joannes abbas cisterciensis ceterique diffinitores capituli generalis notum facimus universis, quod anno dominj MCCCLX (millesimotrecentesimo sexagesimo) septimo facta fuit quedara diffinitio que sequitur in hec verba: Devotionem gratiosam quam nobilis vir et potens Eberhardus de Walse miles baro et capitaneus spectabilis ducatus Austrie ad ordinem nostrum ostendit se habere ipsum fundatorem unius monasterij monachorum jam ordini incorporati et uniti et alterius monialium quod ad honorem ipsius ordinis noviter fundavit de Schlierbach nuncupatum e suis bonis dotatum largiflue multipliciter decorando, prout ad notitiam capituli generalis per suas litteras eidem capitulo porrectas et per relationein abbatis de Salem dicto capitulo factam oraculo vive vocis pervenit, benigne reconmendans et cum gratiarum actionibus fundacionem illius monasterij monialium quod petit ordini nostro incorporari et uniri suscipiens et acceptaris ad ejus petitionem cui dictum capitulum tanto favorabilius annuit quanto ordinis exaltationem concernit. Idem capitulum abbatibus de Salem et de Sancta Cruce in Austria et cuilibet in solidum conmendat, quod ad dictum monasterium de Schlierbach personaliter accedentes ipsius aptitudinem ecclesie et aliarum domorum ad ducendam vitam regularem necessariarum dispositionem videant et assiguationem redituum et aliarum monasterij possessionum cum omni diligentia inquirant, et si repererint quod in eodem monasterio et de redditibus et possessionibus ipsi monasterio assignatis possint vivere et regulariter sustentari viginti moniales et alia omnia onera incumbentia supportare, dictum monasterium cum suis pertinentiis ipsasque moniales et alias ipsius personas regulares tam presentes quam futuras nostro cisterciensi ordini incorporent et uniant, auctoritate ipsius capituli generalis dictum monasterium et ipsius personas regulares paternitati et jurisdictioni abbatis Vallis Dei Pataviensis diocesis eadem auctoritate supponerites dictasque moniales ac ceteras personas regulares dicti monasterij privilegijs et libertatibus ordini nostro concessis debere gaudere decernentes in ordinis plenaria potestate. Datum Divione anno dominj quo supra in die beati Lamperti episcopi et martyris gloriosi.||
Nos itaque volentes dictum mandatum generalis capituli ut decebat exequi reverenter statim de via capituli nobis ad propria reversis superius nominato venerabili abbate de Sancta Cruce nobiscum assumto ad prelibatum monasterium de Schlierbach direximus gressus nostros, ibique venientes diligenti inquisicione et solerti primo prehabita juxta traditam a sepe scripto generali capitulo nobis formam intelleximus, ipsum monasterium pro viginti ac familie ejusdera necessarie in proventibus fructuum et censuum de quibus tot persone vivere deberent perpetuo fore non sufficienter nec integre provisura, ita quod tunc ex obstantibus nobis impedimentis ipsius conmissionis executorium finem non poteramus debito effectui mancipare, sed inter nos deliberatione previa ab ipso monasterio de Schlierbach recessimus ob maturiorem deliberacionem habendam super ipsius monasterii negocio de consilio peritorum et venimus simul in Lintzam civitatem coram spectabili barone Eberhardo de Walsee strenuo militi dictique monasterij fundatore, sibi omnes sui monasterij fundationis defectus prout vidimus et invenimus per ordinem enarrantes, qui ut audivit nobis ambobus fide data promisit usque ad testum nativitatis domini tunc proxime venturum se velle omnia emendare et ipsi monasterio quod construxit ut premittitur de omnibus necessarijs diligentius providere. Quibus omnibus sic peractis ab invicem discessimus incorporationis beneficio tunc temporis pretermisso.||
Tandem nos frater Berchtoldus abbas Monasterij in Salem prelibatus, cum in hac parte et in solidum fuerimus constitutus, maturo consilio tractatu diligenti et deliberatione provida prehabita cum loca sive officine dicte domus secundum morem ordinis et essent debite constructe et possint habere in redditibus annuis quingentos florenos vel circiter prout nobis clarius constabat, nec non ob fidei dationem ac promissa prescripti fundatoris que ipsum credimus devote animo implevisse, ipsam conmissionem quantum ad officium incorporationis unionis ordini nostro prefato cum libertatibus immunitatibus de gratia vel de jure ac etiam privilegiis ipsi ordini indultis quibus prefatum monasterium conventum et singulas personas professas ipsius monasterii cum et ipse prout credimus ex certo ibi stare possint et alia incumbencia onera sufferre, volumus gaudere perpetuo auctoritate ordinis plenaria nobis in hac parte conmissa unimus incorporamus annectimus presentium in tenorem cum hoc ipsi monasterio nomen in latino videlicet aulam beate Marie virginis perpetuo inponentes. In cujus rei evidens testimonium et ut prescripta omnia et singula et ex eis dependentia sint perpetuo duratura hanc litteram sigilli nostri munimine duximus roborandam. Acta et facta sunt hec omnia ut premittitur in monasterio nostro de Salem preallegato anno domini millesimo trecentesimo sexagesimo octavo in dominica Invocavit, indictione sexta.

Source Fulltext: OÖUB 8 (Wien 1883) S. 365ff., Nr. 372