ICH Jans der Schikch purger ze Wels vergich offenleich mit dem prief und mitsampt mier all mein erben di ich han oder noch gewinn vergehen offenleich mit dem prief, daz wier ze chauffen haben geben mit meins pru^eder Eberhartz des Schikchen und seiner erben gu^etleichen willen und wart unsern hof ze Pu^echschachen und u^enser mu^el gelegen dapey mit allen den rechten ern nu^eczen und darczu^e geho^ernt, ze gleicher weyz alz wier sew inngehabt haben, dem erbern beschaiden mann Hertneyden dem Chramer purger ze Wels und allen sein erben umb ein gelt dez wier gancz und gar von in gewert sein und di rechtz vreys herczogisch aygen sind. Wier sein auch dez varverschriben hofs und der vargenanten mu^el dapey mit allew di und darczu^e geho^ert alz varverschriben ist, ier gewern fu^er all ansprach, swo in dez no^et und tu^erft geschiecht nach dez lantz recht ob der Ens. Gierig aber in daran icht ab oder daz in inndert dhain chrieg darinn auferstu^end, von welherlay sach daz waer, den schu^ellen wier in ausrichten und richtig machen an allen ieren schaden gancz und gar. Es sind auch di varverschriben stukch gelegen in Staineinchiricher pharr. Daz in di varverscbriben red staet und unverchert beleib daru^eber ze einem warn u^erchu^end geben wier in den prief versigelten mit mein egenantz Jansen dez Schikchen anhangunden insigel, alz daz stoet ze haben mitsampt mein erben daz var verschriben ist, und versigelt mit meins egenanten pru^eder Eberhartz dez Schikchen anhangunden insigel, der daz an hat gelait zu einer czeugnu^ezz der sach mit dez willen und gunst der chauff und di handlung geschehen ist, und zu einer pessern sicherhait versigelt mit U^elreichs dez Aytterbechen purger ze Wels anhangunden insigel. Der prief ist geben nach Christi gepu^erd u^eber drewczehen hundert jar darnach in dem acht und sechczkisten jar dez maentags nach sand Kathrein tag.

Source Fulltext: OÖUB 8 (Wien 1883) S. 399f., Nr. 404