Vos frater Michahel dictus abbas monasterij Vallis Dei cum nostri conventus ejusdem loci universitate devocionis monastice dilectarum nobis in Christo filiarum venerabilis abbatisse domine Katherine et conventus monasterii Aule virginis eo favorabilius postulacioni sinceriori paternis de visceribus voluimus inclinari quo ipse juxta primi Machab . . . ubi dicitur, convenit ecclesia magna cogitare quid facerent de fratribus suis qui erant in tribulacione, de suarum remedio salubrius animarum divina judicia prestolancium regulari nobis se jungentes confraternitate disponerent ordinare, et quia mortis conterendis malleo coram quo cuncta marcescunt virencia tantum oratio confraternitatum valencius suffragatur, quemdam qui dicit juxta sapientem: frater qui juvatur a fratre quasi civitas firma, beati Jacobi circa doctrinam igitur apostoli dicentis: Orate pro invicem ut salvemini, sic eas benivolencius tartareas ut molestias Deo propicio mereantur evadere juvare policemur et astrictos ad hoc presentium patrocinio nos obligamus, tam vivas jam quam cum aliqua quecumque ex eis viam ingressa carnis universe nuncciata nobis exstiterit, tunc ipsa die quilibet e nostris suis missis oracionibus ac exercicys quibuscumque spiritualibus uti pro uno nostris de caris fieri consvetum est associabit perpetuo memorandum. Nichilominus et bonis omnibus que conditoris omnium divina miseracio nos donaverit opperari, collegam facientes prout se vicissitudinarie pro nostris orbem egredientibus, cum id eis constiterit relatum instrumento suo fecisse jam obligarunt. In quorum evidens juge testimonium nostrum presentibus sigillum necnon et conventus nostri sigillum est appensum. Datum anno domini M.°ccc/mo.Lxx/mo (millesimo trecentesimo septuagesimo) in die beate martiris et virginis Lucie loco ut supra.

Source Fulltext: OÖUB 8 (Wien 1883) S. 497f., Nr. 504