Wir Kathr(ina) van Gotez genaden abtessinn ze Slierbach und mit samt uns der gemain convent doselbs wir vergehen, daz wir mit veraintem willen und muet recht und redleich ze chauffen haben geben Heinrich von Taling und seiner hausfrawen und allen iren erben daz viertail dez guetz an dem Ygelsperg gelegen in O^etzspekher pharr zu rechtem erbrecht mit alle dew und dozue gehoert also beschaidenleich, daz si uns ewichleich dovon dienn schu^ellen an sand Michels tag fumftzzig und trithalben alter wiener phening und ain diensthuen oder fier phening und nicht mer. Daz in daz also staet und untzebrochen beleib daruber geb wir in disen offen brief versigelt mit unser und unsers conventz anhangunden insigeln. Der brief ist geben nach Christes gepuerd drewtzehen hundert jar und donach in dem vier und sibentzkisten jar an sand Johans tag ze sunibenten.

Source Fulltext: OÖUB 8 (Wien 1883) S. 704f., Nr. 694