ICH Ludweig von Zwiselperg und ich Elispet sein hawsfraw und mitsampt uns alle unser erben wier vergehen, daz wier ze chauffen haben geben der erwirdigen frawn vrawn Kathrein der abtessin ze Slierbach und ierem covent unser zway guter ains gehaizzen in der Premo^ed daz ander gehaizzen der Grillenporcz, paide gelegen zenechst der Smu^echkin in Chirchdorffer pharr umb ain gelt dez si uns gancz und gar gericht und gewert habent und daz unser rechtz lehen ist gewesen von unserm genedigen herren hern Jorigen von Waltse hern Ewerharten von Waltse seligen sun dem Got genad, und antwu^erten in di vorgenanten gu^eter auz unser nu^ecz und gewer in di ieren mit allen den nu^eczen eren und rechten di darczu^e geho^erent, und schu^ellen auch der vorgenanten gu^eter ier gewer und fu^erstant sein alz chaufs recht ist in dem lant ob der Ens. Daz di handlung also stet und unverchert peleib, daru^eber geben wier in den offen prit ze einem waren urchu^end versigelten mit dez erbern mans Ru^egers von Humbrechtzried anhangunden insigel zden zeiten richter ze Slierbach und mit dez erbern chnechtz Jansen dez Rewter anhangunden insigel und mit dez erbern mans Hansen von Gru^eb anhangunden insigel die zeit richter ze Chirichdorff, darhinder ich mich vorgenanter Ludweig der Zwiselperger und alle mein erben mit unsern trewn verpinten, allez daz stet ze haben daz an dem prief geschriben stet wan wier aygens insigel nicht haben. Der prief ist geben nach Christi gepu^erd drewczehen hundert jar und darnach in dem fu^emf und sybenczkisten jar an sand Pangraeczen tag.

Source Fulltext: OÖUB 8 (Wien 1883) S. 760, Nr. 737