ICH Rueger von humbrechtzried ze den zeiten lantrichter ze Slyrwach, mein hawsfraw vnd ich Fridrich Ru^egers su^en, Weychkartz dez cholen enichel vnd mit sampt vns all vnser eriben, die wir haben oder noch gewinnen, wir tuen kunt vnd vergehen offenlichen mit dem gegenwurtigen prief allen lawten gegenwu^ertigen vnd chu^enftigen, Daz wir mit wolbedachtem mu^et vnd ze den zeiten, do wir ez mit recht wol getu^en mochten, haben ze chavffen geben recht vnd redlichen Den Erberen la^ewten ze chirichdorff Jansen von Grueb ze den zeiten margt Richter daselbs, Dyetrichen dem Tytzzel, Fridrichen dem ho^eltzel, Jansen dem Ju^edel vnd allen andern erberen la^ewten daselbs, ez sein pfaffen oder layen, die in vnser vrowen zech sint ze chirichdorff, vnser vreys aygen, Dacz gu^etel am Staynasperch, daz gelegen ist ob der widern im pach enhalb wa^edemspach in chirichdorffer pfarr. Wi^er habenz auch in v^enser vrawen zech vnd den Erberen la^ewten, die darinn sint, geben fu^er ain freys aygen. Vnd haben inz geben vmb ain gelt, dez wi^er gar vnd gentzlich auz v^enser vrowen zech vnd von den erberen lawten, die in derselben zech sint, gericht und gewert sein. Wir haben in daz selb vreys aygen am Staynasperch geben mit allen den Eren, Rechten vnd nu^eczen, vnd darzu^e geho^ert ze holtz vnd ze veld, versu^echt vnd vnuersuecht, swie daz genant ist, auz vnser nuczz vnd gewer in ir nu^ecz vnd gewer in allem dem recht, als wirz inn gehabpt haben. Wir haben v^ens auch dez selben freyen aygens am Staynasperch fu^erczicht tan mit der beschaiden, Daz wir vnd all vnser eriben, die wir haben oder noch gewinnen, nach dem selben freyen aygen chain ansprach niemer mer gehaben schu^ellen, weder mit Recht noch an recht. wi^er schu^ellen auch dez selben freyen aygens am Staynasperch vnd waz dar zue gehort, ir Rechter gewer vnd ir furstant sein an aller der statt, wo dez in v^enser vrowen zech vnd den erberen la^ewten, die in der selben zech sint, not vnd du^erft geschicht vnd auch als freys aygen vnd gewerschaft recht ist in dem Land ob der Ens. Gyeng in an der gewerschaft von vns icht ab, Da dew selber vnser vrowen zech vnd die erberen law^et schaden von nemen, wie der schad genant wer, Den selben schaden mitsampt dem Hawptgu^et schu^ellen wir in gar vnd gantzlich widercheren vnd schu^ellen sew daz haben datz vns vnd datz vnsern trewen vnd dar zue auf aller vnser hab, wo wi^er die haben versucht vnd vnuersu^echt, vnd all ir schadens mit sampt dem Hawptgu^et vollichlich davon becho^emen mit ünserm gu^etlichen willen, wir sein lebentich oder Tod. Daz ünser vrowen zech ze chirichdorff vnd allen erberen la^ewten die dar inn sint, ez sein Pfaffen oder layen, Daz also ewichlich von vns sta^et pelib, daz loben wir in mit vnsern trewen . vnd dar vber Geben wir den offen prief, Besygelten mit meins vorbenanten Ru^egers von Huembrechtzried anhangenden Insygel. vnd zu^e ainer pezzer sicherhait mit der Erberen Law^et anhangenden Insygel versygelten Hyltprantz von albrechtzhaim ze den zeiten schaffer ze pernstain, weychkartz dez Pawren, Hainrichs dez prawnspergers, Gotschalchs von hannueld, Thomas dez hayden ze den Zeiten richter ze chremsmünster, Jansen dez Raw^eters, Dew irew Insygel zue ainer woren gezewgnuzz der vor verschriben tayding vnd sach Durch ünser vleizzigen pett willen daran gelegt haben, in vnd iren eriben an schaden. Jch vorbenanter Fridrich Ruegers sun von Humbrechtzried vnd weychkartz dez cholen Enichel vnd all mein eriben verpinden vnder dew vorverschriben jsygel v^ens mit vnsern trw^een an aydes stat, wan wir aygens jnsygels ze den zeiten nicht gehabpt haben, allez daz sta^et ze haben vnd ze volfueren, daz vor an dem prief geschriben stet. Der geben ist Dez pfintztags vor Sant Bartholomeus tag Dez jars do man zalt von christi Gepu^ert Drewtzehen Hundert jar vnd dar nach in dem Sechs vnd Sybentzkysten Jar.

Source Fulltext: OÖUB 9 (Wien 1906) S. 132-133