Ich Fridreich der Schrafnagel vnd ich Hanns von Pösen Lütring vnd ich Hanns der Pewntner vnd ich Hainrich der Swartz von Haymereynsöd. vnd vnser aller Hauzzfrawn. vnd mitsampt vns all vnser eriben, di wir haben oder noch chu^enftikchleich gewinnen, wie di genant sind, Vergehen vnd tu^en chu^ent Offenwar mit dem brief allen den, di den brief ansehent oder hörnt lesen, Daz wir mit wolbedachtem mu^ot vnd mit guetleichem willen vnd wort aller vnsrer eriben vnd nach rat vnd weyfung vnsrer nachsten vnd pestten vrewnt ze der zeit, da wi^er daz rechtt vnd redleich wol getu^on mochten, mit Vogtz hant vnd mit aller staet rechtt vnd auch redleich chewfleich ze chawffen haben geben. Vnser gu^ot ze Wippfing genant daz Pütschenlehen, gelegen in Eberstal zella^er pharr, daz. rechtt erib ist von dem. edln. Hochgeporn. fürsten dem Hertzogen ze Östereich. vnd gehört in di Vogtey gein wels. Dazselb Obgenant gu^ot haben wir ze chawffen. geben. Chv^onraten von Lüterleiten vnd seiner Hauzzfrawn. vnd allen. iren eriben, di si habent oder noch. chu^enftikchleich gewinnent, wie di ganant (sic) sind, vmb ein gelt, dez wir gar vnd gaentzleich von in gericht vnd gewert sein. an allen vnsern schaden. Wir haben auch in daz Obgenant gu^ot geben vnd ingeantwurtt ze einem rechten chawff auz vnsrer nu^etz vnd gewer in ir nütz vnd gewer vnd auch mit allen den ern, nu^etzen vnd rechten, di zu dem. Obgenanten güt gehörnt vnd davon bechömen megen. ze holtz, ze velld vnd ze wysmad. oder wye daz genant ist, besu^echt vnd vnbesu^ocht, in aller der mazz vnd ern, alz daz Obgnant gu^et von alter her Chömen ist, jn sölicher beschaiden, Daz wir noch all vnser eriben nach dem Obgenanten gu^et dhayn ansprach. nicht mer haben. noch gewinnen schu^ellen weder mit recht noch an recht, Ez waer denn, alz vil, Ob fürbas. yeman. herfür chaem, der dez. Obgenanten. gu^otes pezzer erib wa^er oder wolt sein, der schol dem. Obgenanten. Chv^onraten von Lüter Leitten vnd seiner Hauzzfrawn vnd allen. seinen. eriben. geben zwai vnd Dreyzzikch phvnd. alter wyenner phening, da mit schol denn. daz. Obgnant gut von. in. ledig vnd los sein. Wir schu^ellen vnd wellen auch ir gewer sein. vnd fürstant sein. dez Obgenanten. gu^otes vnd dez. Chawffs dar auff, wo vnd wenn in dez not vnd durft geschiecht, für allew ansprach, wo vnd wenn in dez not vnd durft geschiecht, also der Vogtey recht ist ze wels. Daz in di red also stet vnd vnuerchert beleib, Dar v^eber ze einem warn vnd sta^eten vrchund geben. wir. in. den prief versigelten mit dez. erbern ritter anhangvndem Jnsigel hern Hannsen dez Chüczchofen. yem. an schaden, Der ze den zeiten gewaltigen (sic) Vogt ze wels gewesen ist, mit dez willen vnd hant der Obgenant Chawf besta^ett vnd geschehen ist. Der brief ist geben, do man zalt von Christi gepu^ertt Drewtzehen Hvndert Jar, Dar nach in dem Aecht vnd Simtziksten Jar. dez Samcz tags. vor dem Vaschang tag.

Source Fulltext: OÖUB 9 (Wien 1906) S. 394-395