ICH wernhart von Stra^ewningen, ich Palmey sein Elichew hawsfraw^e, ich werntzel ir paider sün. vnd mitsampt v^ens all v^enser eriben, die wir haben oder noch gewinnen, wir tu^en kunt vnd vergehen offenlich mit dem Gegenwurtigen prief allen den, die in ansehent, lesent vnd ho^erent, die nu sint oder chu^enftichg werdent, Daz wi^er mit wolbedachtem mu^et ze der zeit, do wir ez mit recht wol getu^on mochten, vnd auch mit rat, wort vnd weysung, willen vnd gu^onst aller vnser nechsten vnd Pesten freund haben ze chaw^effen geben Recht vnd redlichen Den Ersamen weysen Gaystlichen vnd v^ensern Genedigen vrow^een vrowen Kathreyn die zeit abptissin ze Sly^erwach vnd dem Couent daselbs v^enser Mu^el ze Mu^eltal gelegen in vorchtdorffer pfarr. vnd dew^e selb Mu^el vnd waz darzu^e gehort, ist v^enser rechtz lehen gewessen von v^enserm Genaedigen herren, herrn Jo^ergen von waltse vnd geho^ert zu pernstain. wir haben in auch dew selber Mut ze mu^eltat vnd waz dar darzu^e geho^ert, Geben vnd ingeantwurt mit allen den eren, rechten vnd nu^eczzen, vnd darzu^e geho^ert ze holtz, ze veld, mit wismot, mit aechkern, versu^echt vnd vnuersu^echt, swie daz Genant ist, auz v^enser nutz vnd gewer, in ir nuczz vnd gewer in allem dem Recht, als wirz inngehabpt haben. Wi^er haben v^ensern lieben. Genedigen vrowen ze Sly^erwach die selber Mul ze Mu^eltal vnd waz darzu^e geho^ert, Geben vmb ain gelt, dez sew v^ens gar vnd gaentzlich gericht vnd gewert habent ze allen den taegen, vnd sew vns richten vnd weren scholten. Also, daz wir vmb daz selb gelt hintz in noch hintz Couent nicht mehr ze sprechen haben weder mit recht noch an Recht, wi^er haben vns auch der selben Mul ze Mu^eltal vnd waz darzu^e geho^ert, fu^erchtzicht tan. mit der beschaidenhait, daz ich vorbenanter wernhart von Strawning, ich Palmey sein Elichew haw^esfraw^o, ich werntzel ir paider su^en vnd all v^enser eriben, die wir haben oder noch gewinnen, chain ansprach nyemer mer gehaben schu^ellen nach der vorbenanten Mul vnd waz darzu^e geho^ert, weder mit recht noch an Recht. Wir schu^ellen auch der selben Mu^el ze mu^eltal vnd waz dar zu^e geho^ert, vnsern Genaedigen vrowen ze Sly^erwach ir Rechter gewer vnd ir fu^erstant sein mit dem Recht an aller der statt, vnd in dez not vnd du^erft geschicht. vnd auch als cha^ewfs vnd gewerschaft recht ist in dem Land Ob der Ens. Gyench v^ensern Genaedigen vrow^een an der gewerschafft von v^ens ab, da sew schaden inn naemen, wie der schad genant wa^er, Den selben schaden mitsampt dem Haw^eptgu^et schu^ellen wi^er in gar vnd gaentzlich widercheren. vnd su^ellen sew daz haben datz v^ens vnd datz v^ensern trew^en vnd darzu^e auf aller v^enser hab, die wir haben oder noch gewinnen inner Lantz, auzzer Lantz, auf wazzer, auf Land, versu^echt vnd vnuersu^echt, swie dew hab genant war/e, wo die hab gelegen waer, in Stetten, in Maergten vnd all ir schadens mit sampt dem Haw^eptgüt vollichlich davon pecho^emen mit ünserm gu^etlichen willen vnd wort, wir sein lebentich oder töd, vnuertzigen dez Erbtzrecht, daz die muller auf der selben Mu^el ze multal habent, da sew meins alten Saeligen Herren. Hern Ewerhartz von waltse prief vber Habent. Daz vnsern Genaedigen vrow^en ze Slyrwach vnd dem Couent. daz also staet, gantz vnd vnuerchert von üns ewichlich Pelib, Daz loben wir in mit ünsern trew^en an ayds statt. Vnd dar über ze ainer pezzer sicherhait Geben wir in den offen prief, Besygelten mit der Erberen zwayer man ananhangenden Jnsygel versygelten Ru^egers von Humbrechtzried die zeit Lantrichter zü Slyrwach vnd mit weychkartz dez Pawren, die jrew jnsygel zü ainer wo^ern gezewgnu^ezz der vor ver schriben tayding vnd sach durch ünser vleizzigen pett willen. dar an gelegt habent in vnd allen iren eriben an allen schaden, Dar vnder wir üns verpinden mit ünsern trew^en an aydes statt. ich vorbenanter wernhart von Strawning, ich Palmey sein Elichew Hawsfraw, ich werntzel ir paider sün vnd all ünser eriben, die wi^er haben oder noch gewinnen, wan wir aygens Jnsygels nicht haben, allez daz sta^et ze haben vnd ze volfu^eren, daz vor an dem offen prief geschriben stet, Der Geben ist an Sant Mychels tag. Dez Jars, do man zalt von christi Gepu^ert Drewtzehen Hu^endert jar vnd dar nach in dem Aecht vnd Sybentzkysten jar.

Source Fulltext: OÖUB 9 (Wien 1906) S. 503-505