ICH Iacob der Amman pu^erger ze Wels¹⁾, mein Hawsfr(aw) vnd all mein erben, wie dy genant sind, Wir vergechen offenleich mit dem brief. vnd tv^en chu^end. allen den, dy in an sechent. oder horent lesen, dy nv Lebent oder hernach chu^enftig werden, Daz wir mit wolbedachtem mv^ett ze der zeit, do wi^er i^ez wol tv^en machten, vnd nach Rat vnd weyssung vnser nachsten vnd pesten vrewnt vnd mit aller erben gu^etleichen willen vnd wo^ert. Recht vnd redleichen ze Chawffen haben geben Der Erwi^erding Geistleichen vrown, Vrown Katrein Abpttessin ze Slierbach, vnd i^erm Couent vnd Goczhaws, vnd allen i^ern nachchomen, den hoff, der genant. ist ze Perechthering, vnd daz lechen dacz Champeinsperig, dew payde in Chirichaimer pharr gelegen sind, vnd dew vnser recht lechen sind gewessen von vnserm gn/eoeding herrn hern Jo^erigen von Waltse, von Lincz. vnd ist dez gu^etz von Pernstain, vnd haben in den egenanten hoff vnd daz Lechen ze Chawffen geben. in vnd i^erm vor genanten goczhaws, vmb ein gelt, dez wi^er gaenczleich von in gericht vnd gewert sein. wi^er haben auch in den hof vnd Lechen geben mit allen den ern/e, nvczzen vnd rechten, dew darze gehorent, ze holcz, ze veld, versu^echt vnd vnuersu^echt, swie daz genant ist, aus vnsrer nvcz vnd gewer in i^er nvcz vnd gewer, in allen den rechten, vnd wi^er dew gehabt haben, Wi^er haben vns auch dez vorgenanten Hofs vnd des lechens vnd waz darze gehort, fu^erczicht tan. Mit der weschaiden, daz wi^er noch all vnser erben vnd nach chomen fu^erbaz dar nach dhain ansprach nymmer mer schullen haben noch gewinen, weder mit recht noch an recht. Wi^er schullen auch dez obgenanten Hoffs vnd Lechens, i^er recht gewer vnd fu^erstant sein. an aller der stat, vnd in dez not vnd du^erft geschiecht. vnd auch alz chawffs vnd gewerschaft recht ist in dem Lant ob der ens. waer aber, daz in icht chriegs dar in auf erstu^end, mit dem rechten von vns oder vnser erben wegen, daz schullen wi^er in ausrichten; taet wier dez nicht, waz sew dez schaden naemen, den dy^e obgenant vrow, oder i^err nach chomen ainew pey irn/e trewn gesprechen mag, vngeswo^ern vnd an recht, den selben schaden schullen wi^er in ab legen vnd widerchern/e gancz vnd gar, vnd schullen sew daz haben dacz vnsern trewn, dar ze auf aller vnserr hab versucht vnd vnuersu^echt, wi^er sein Lembtig oder to^ed, Aus genvmenleich der Lechenschaft, waz sy davon schaden naemen, ez waer mit recht oder an recht, daz schullen sew selber ausrichten, dez wellen wi^er vngolten weleiben. daz dy red von vns also stet vnd vnuerchert weleib, dar vber ze ainem wo^ern vrchu^end so geben wi^er in den offen brief wesiglt mit meinem obgenanten Jacoben dez ammans anhangunden insigel, vnd ze ainer sicherhait vnd zeugnvs wesigelt mit meins Lieben Swager Steffan dez Rechwanger dy zeyt Richter ze weis anhangunden insigel vnd auch mit meins Lieben Swechers Otten dez Wechsler purger ze weis anhangunden insigel, dy sy payd dar an gelegt habent durch vnser vleizz[iger] pett willen in vnd irn/e erben an schaden. Der brief ist geben dez erichtags nach sand Gallen tag, do man zalt von christy gepu^ert drewczehen Hundert iar, dar nach in dem acht vnd Sybenczkisten iar.

Source Fulltext: OÖUB 9 (Wien 1906) S. 512-513