Wir Wilhelm und Albrecht, vettern von gots gnaden, Hertzogen ze Oesterreich ze Steyr ze Kaernden und ze Krain, Graven ze Tirol etc. Bekennen, daz wir den Erbern, und weysen, unsern liebsten getrewn..dem Buergermaister..dem Richter, und.. dem Rat unserr Statt hie ze Wienn hingelassen haben, und lassen auch wissentlich mit dem brief, unser Mautt am Newnmarkt, unsern Weintzol am Hof, und die Wassermautt, bey dem Rotentuern, mit allen Iren zugehoer-ungen, und auch mit allen den Rechten, Wirden, und eren, als die herkomen sind, und als man die vormaln hat Ingenomen von den gegenwuerttigen Weichnachten, in dem Siben und Newntzigistem Jare, untz auf die Weichnachten in dem Newn und Newntzigistem Jare schierist kuemftig, daz ist zwayr Jar nacheinander, yeklichs Jar umb fuemf hundert phunt Wienner phenning, das macht die egenanten zwayr Jar, tausend phunt phenning, der Sy uns oder unser erben, richten, und wêrn suellent, zu den vier Quatembern in ainem yeklichem vorgenanten Jare, als sitlich und gewond-lichen ist. Wêr aber daz Sy daran icht merklicher Schaeden nêmen, es wêr von urleug pisezz oder von welicherlay geprechen das geschech, der Sy uns mit gueter kuntschafft geweisen mochten, die suellen wir, gen In genêdiklich erkennen. Mit urkund ditz briefs. Geben ze Wienne an Sant Steffans tag zu Weichnachten Anno domini Millesimo Trecentesimo Nonagesimo Septimo. domini duces per consilium

Source Fulltext: Peter Peusquens