Wir Wilhalm von gotes gnaden Hertzog ze Oesterreich, ze Steyr, ze Kêrnden und ze Krain, Graf ze Tyrol etc. Bekennen Als unser getrewr Leb unser Valkhnêr unserm getrewn Hannsen dem Trautman ze kauffen hat geben den halben tail an dem haus und Stadel hie ze Wienn vor Stuben-tor in dem Gereutt zenachst desselben Hannsen des Trautmans haus, daz wir zu demselben kauf unser willen und gunst haben gegeben und den bestêtt wissentleich mit dem brief. Also daz der egenante Trautman und sein Erben, mit demselben halben tail an dem egenanten haus und Stadel, nu fuerbasser iren frumen handeln und tuen muegen als mit ander ir aigner hab, an unser und unsrer Erben und mênicleichs Irrung und hindernuzz an gevêr. Mit urkund ditz briefs. Geben ze Wienn an Mittichen nach sant Philipps und sant Jacobs tag Nach Kristi gepuert dreutzehen hundert Jar darnach in dem SibenundNeuntzigistem Jare.

Source Fulltext: Peter Peusquens