Leupolt von gots gnaden Hertzog ze Oesterreich etc. Erbern weisen besunderlieben und getrewn. Uns hat yetzund unser lieber Bruder Hertzog Ernst verschriben von grosser krankhait darin unser lieber Bruder Hertzog Wilhalm layder gevallen ist, des wir vaste erschrokhen sein und uns trewlich layd ist als das wol billich ist Bitten wir ew mit allem fleizz und sunderm wolgetrawn So wir zu ew haben, ob es sich fuegte daz sich des egenanten unsers Bruders krankhait zu abgang ziehen wurde, das der almêchtig got lang wende, daz ir denn trewlich an uns tut und vestiklich bey uns beleibet, als Ir das an dem vorgenanten unserm Bruder Hertzog Wilhalmen auch getan habt, das wellen wir in allweg mit soellichen gnaden und fuerdrungen gen ew erkennen und verschulden daz Ir des ein benuegen von uns haben suellet wan wir getrewlich auch bey ew beleiben wellen in allen ewrn Sachen. Wir wellen uns auch an vertziehen hin ab fuegen und denn all Sach nach ewerm Rat handeln. Geben ze Enzisheim an unser frawn Abend Assumpcionis Anno domini etc. Nonagesimo septimo. dominus dux per se ipsum.

Source Fulltext: Peter Peusquens