Ersamen und weysen unser willig dienst wisset all zeit Als ier ewer potschaft bey uns gehabt habt von einer Newen Muenss wegen die dew durichlewchtigen hochgeporn fuersten die hert-zogen ze osterreich etc. unser genedig herren maynendt auf ze wêrffen Darumb haben wir uns mit andern stêten ob der Enns beraten und chuennen anders nicht erdenkchen wenn scholt die muenss also fuergankch haben oder gewinnen als wir es vernomen haben das wer unser aller verderiben Bitt wir ewr erberigew weyshayt ier ratet und helffet mit solicher pett an die gene-digen unser herschaft das wir soelichs versechleichs verderibens ueber haben werden datum in die sancti Gregorii anno etc. millesimo CCCC°. ..Der Richter..der Rat und die purger gemayndleich ze der Freinstat.

Source Fulltext: Peter Peusquens