Ich Hanns die zeit pfarrer ze sand Ullreich Inn der Newnstat Ich Christian Brunner, die zeit zechmaister, dasêlb wir vergehen offenbar mit dem brief, daz uns die Erberen Hanns der Stichel und Hanns der Mosprunner, paid purger ze Wienn aws gericht und betzalt habent, zechen phunt wienner phenning, die uns der Erberer Hanns der Arenstorffer saelig geordent und geschafft hat durch seiner Sel und seiner hawsfrawen frawn Margarethen und aller irrer vordern sel willen. Also daz wir, die Egenanten zechen phunt phenning an schuellen und wellen legen der selbigen kiri-chen wo dez noetturfft ist. Und der selbigen zechen phunt phenning sagen wir sew gaentzleich ledig und lozz Mit urchund dez briefs versigilten mit meins obgenanten Hannsen aufgedrukchtem Insigil. Darunder ich mich Egenanter Christian Brunner verpint allez daz staet ze halten daz oben an dem brief geschriben stet. Geben an sand Kathrein tag Anno domini M(illesim)o Quadringen-tesimo Septimo.

Source Fulltext: Peter Peusquens