Wir Albrecht von gotes gnaden Hertzog ze Oesterreich ze Steyr ze Kernden und ze Krain Grave ze Tyrol etc. Embieten unsern lieben getrewn..allen herren Rittern und Knechten und allen andern unsern Undertanen in Stetten Mêrkchten, und auf dem lande gesezzen, den diser Brief getzaigt wirdet, unser gnad und alles guot. Wir emphelhen ew allen und ewr yegleichem besunder ernst-leich und wellen Wo Ir Conrad Ernsten ankoemet, daz Ir dann den unvertzogenleich aufhaldet und verhefftet und In, unserm Boten weiser ditz brieves, antwuorttet zuo unsern handen Und dawider nicht seit daran begeet Ir gêntzleich unsern willen. Geben ze Wienn an Eritag vor Lucie Anno etc. Quadringentesimo Tredecimo. d(ominus) d(ux) in cons(ilio). (A, B, C nahezu identisch)

Source Fulltext: Peter Peusquens