Ich Stephan Obersperger der zingiesser ze Wienn und ich Kathrey sein hausfraw vergehen offenleich mit dem brief daz wir von den erbern weisen hern Hannsen dem Mosprunner dietzeit des Rats der Stat ze Wienn und Oswalten dem Pauch Anwalt in der Muenzz daselbs geschêfft-herren und ausrichter des geschêffts So weilent Hanns der Arnstorffer seliger getan hat Inge-nomen und enphangen haben zehen phunt wienner phenning als daz der benant Hanns der Arnstorffer seliger durch Got und seiner Sel haills willen auszerichten geschafft hat und sagen auch wir die vorgenanten Geschêfftherren und ier erben der egenanten zehen phunt phenning gêntzleich Quitt ledig und los Mit urchund des briefs besigelt mit der zwair erbern Mann hern Hannsen des Muensser von Friesach dietzeit des Rats der Stat ze Wienn und Chlawsen des Preuzzen burger daselbs aufgedrukchten Insigeln die wir darum vleizzichleich gepeten haben In an schaden. Geben ze Wienn an Eritag vor sand Pêrtlmes tag Nach Kristi geburd viertzehenhundert Jar darnach in dem viertzehendem Jare.

Source Fulltext: Peter Peusquens