Fridreich von gotes gnaden Römischer Künig zu allen zeiten merer des Reichs Hertzog ze Oster-reich und ze Steyr etc. Erbern weisen und lieben getrewn. Wir schikhen ew hieinne beslossen, ainen brieff, den uns..die Puklitzen schreiben, und sich von ettlicher hanndlung wegen, ueber ew beklagen, als ir das, an demselben brief, wol vernemen werdet. Emphelhen wir ew, und wellen ernstleich, daz ir uns verkundet, wie sich die sachen halten, daz wir In darauf, unser anttwuertt wissen zetuen, sunder ist unser maynung, daz ir uns derselben Puklitzen brief wider zueschikhet. Daran tuet ir gentzleich unser maynung. Geben zu der Newnstat an Samstag nach des heiligen Kreutzs tag Invencionis. Anno etc. quadragesimo primo, unsers Reichs im andern Jar. propria com(missi)o domini Regis.

Source Fulltext: Peter Peusquens