Erber weis sunder lieben herren, unser willig dinst wisset bevor, ewr verschreiben von der Ze(u)mstrikcher (Zaumstricker) bey ew und der Rymer hie maister und gesellen, haben wir vernomen und sew gehoert Ist der Maister antwurtt, solich newung von wegen der Junger sey durich sew hie nicht betracht Aber die Maister des Hantwerichs der Zeumstrikcher bey ew haben In hernach gesannt und verpotschefft. Desgleichen auch den Maistern gen Krembs gen Newen-burgk gen Tullen gen Egenburgk Auch den Maistern in die Newnstat, und gen Prespurgk und durch seu all ainhelligkleich sey solich newung gemacht, ze Wienn bey In das ain Maister sull ainen lerJungen haben und nicht mer, des sew nicht gern gedult haben und doch wider sew all nicht setzen wellen und solich newung sey geschechen mit wissen zu zeyten als her Hanns Steger Burgermaister sey gewesen. DarInn ewr weishait lawter versteen mag das sew die unsern unpil-leich beklagen nach soleicher hanndlung als Sy uns fuerbringen Darauf pitten wir ewr weishait, Ir wellet ew In den sachen verrer erkunden das wellen wir gern verdienn. Mit urkund des briefs Bewart mit des erbern Micheln des Ursperger dietzeit Stat Ambtman hie fuergedrukchten Insigel, den wir der Richter und Rat darumb gepeten haben, wann wir dietzeit aigen graben Stat Insigel nicht enhaben. Geben zu sannd Polten an Montag nach sand Margrethen tag Anno domini etc. Qudragesimoquarto. Ambtman Richter und Rate der Stat sannd Polten.

Source Fulltext: Peter Peusquens