Wir Ruodolf von gotes gnaden, Herzog ze Oesterreich, ze Steyr, ze Kernden, und ze Krain, Graf ze Tyrol etc. Bechennen und tuon chunt offenlich, mit disem brief. Alz wir unser getrewn Rein-harten den Wehinger, Jansen von Tyerna , unsern Huoebmaister, Lucasen den Pophinger, unsern Purgermaister, und Leuppolten den Poltz, unsern Statrichter ze Wienn versatzt haben, hintz Marcharten von Parischin, und hintz Leutweinn den Usel, umb vierdhalb hundert phunt wienner phenning, daz wir wellen, und maynen ouch, daz wir si da von bringen sullen, und wellen, an allen ieren schaden, das geloben wir in stêt ze halen und ze volfueren mit unsern gnaden. Des geben wir ze urchunt disen brief besigelt mit unserm Insigel. Der geben ist ze Wienn, an Eritag, vor Philippi et Jacobi, apostolorum. Anno domini Millesimo Trecentesimo Sexagesimo quinto. † Hoc. est. verum. † a

Source Fulltext: Peter Peusquens