Allen^a) den, die disen brief ansechent oder ho^erent lesen, tůn ich Cůnrat Kilchmatter schultheis ze Walastat¹ kunt vnd vergich offenlich mit || disem brief, daz fúr mich kam ze Walastat, do ich offenlich ze gericht sas, die ersam fro^vwe fro^vw Vrsulla von Montfort² wilent Dietrichs dez Mei||gers von Altstetten elichú husfro^v ze einem teil vnd Růdolf von Liechtensteig³ burger ze Wile⁴ an dez erwirdigen herren abt Georien von gottes gnaden || abt dez gotzhus ze sant Gallen stat ze dem andren teil, vnd offent da die vorgenant fro^v Vrsulla mit fúrsprechen vnd sprach, daz der vorgenant abt Geori disú nachgescriben gu^eter zins vnd gelt, die nidren burg ze Altstetten, die múli ze Altstetten, die mitlen múlen, vier pfunt stúrpfenning ia^erliches geltez von den sunderlúten, die zů der burg ze Altstetten geho^erent, ein pfunt pfenning geltez von einem wingarten ze Bernag^b), ein pfunt pfenningen ze Altstetten, zehen schilling pfenning geltez von Gamôr, ein pfunt pfenning von schaf pfennigen ze Altstetten, sibenthalb pfunt pfennig geltes von vellen vnd von gelessen von den lúten, die in den hof ze Altstetten geho^erent, vnd den hof ze Matzzingen, den man nemmet dez Heides hof, dv´ von dem vorgenanten gotzhus ze sant Gallen iro gewert pfant warent vnd si von dem vorgenanten Dietrich dem Meiger ir elichen man an erstorben waren, von ir gantzlich vnd gar erlo^est vnd erledigot hetti mit barem^c) vnd bereiten silber nach der pfant brief wisung vnd nach der ansprach, so si darvmb hatte, mit Dietegans mit V^olrichs vnd mit Růdolfs ir elichen súni willen vnd gunst, vnd wa^eri o^vch dez selben silbers gantzlich bezalt vnd gewert an den stetten, da si vnd die vorgenanten ir súni iren schaden mit verkomen hettin, der selben gu^eter zins vnd geltez vnd o^vch dez pfantschatz wo^elti sich die vorgenant fro^v Vrsulla fúr sich vnd fúr alle ir erben vnd nachkomen offenlich verzihen vor geriht gen dem vorgenanten Růdolf von Liechtensteig an dez vorgenanten abt Georien vnd dez gotzhus stat, vnd bat mich erfarn an einer vrteil, wie si daz tůn so^elt, als recht wa^er vnd daz ez kraft vnd machte hetti nun vnd hernach, daz tet ich vnd ward nach miner frage erteilt mit gesamneter vrteil, daz si na^em einen vogt an dez gerichtez ring, wen si wo^elte, vnd mit ir vnd mit dez selben ir vogez^b) handen dú vorgenanten gu^eter zins vnd gelt vnd pfantzschatz vf ga^eb an dez gerichtez stab in dez vorgenanten Růdolfs von Liechtensteig hand an dez vorgenanten abtez Georien vnd an dez gotzhus stat vnd ze sinen wegen, daz tet ich die vorgenant fro^v Vrsulla vnd nam da ze vogt den fromen man V^olrich von Griffense⁵, dem ich o^vch die vogtey vmb dis sache lech nach der stat recht vnd gewonheit ze Walastat, vnd da ze stet gab o^vch dú vorgenant fro^v Vrsulla mit bedachtem můt mit ir vnd mit dez selben V^olrichs von Griffense ir vogtez handen mit gelerten worten die vorgenanten gu^eter zins gelt vnd pfantschatz vnd a^ellú dú recht, die si daran vnd darzů hatte, frilich vnd ledklich vf an dez gerichtes stab in dez vorgenanten Růdolfs von Liechtensteig hand an dez vorgenanten abt Georien vnd dez gotzhus stat, vnd verzech sich o^vch dv´ vorgenant fro^v Vrsulla mit dem selben ir vogt fúr sich selber fúr alle ir erben vnd nachkomen allez rechten geistliches vnd weltliches gerichtez aller gewer aller vordrung vnd ansprach, so sv´ zů den vorgenanten gu^etern zins gelt vnd pfantschatz von deheiner sach wegen vntz her gehept hand oder si ir erben vnd nachkomen hinnanhin gehaben gewinnen oder erwerben mo^echten von recht alder von gewonheit ald von geheinen^b) andren sachen. Die vorgenant fro^v Vrsulla veriach o^vch da mit dem vorgenanten ir vogt, bescha^ech daz dehein brief vor^d) diser vorgenanten gu^eter zins geltez alder pfantschatz wegen hinnanhin funden alder vsgezogen wurdin, die brief so^end der vorgenanten fro^v Vrsellen ir erben vnd nachkomen gantzlich tod vnd vnnútz sin vnd dem vorgenanten abt Georien vnd sinen nachkomen vnd dem gotzhus ze sant Gallen vnscha^edlich. Vnd ze einem offenem waren vrkúnd vnd sta^etten sicherheit aller diser vorgenanten ding han ich Cůnrat Kilchmatter schultheis da vorgenant min insigel von dez gerichtez wegen offenlich gehenkt an disen brief, wan mir daz mit gemeiner vrteil erteilt ward. Darnach veriechen wir die vorgenant Vrsulla von Montfort wilent Dietrichs dez Meygers von Altstetten elichú husfro^v vnd V^olrich von Griffense ir vogt in diser vorgenanten sach ein gantz warheit aller diser vorgenanten ding vnd daz allez daz wâr ist, daz der vorgenant schultheis von vns veriechen hat an disem brief vnd daz an disem brief gescriben stat, vnd ze mêrer sicherheit aller vorgenanten ding haben wir och vnsere insigel gehenkent an disen brief. Der geben ist ze Walastat an dem na^echsten ma^entag vor sant Michels tag, do man zalt von gottes gebúrt drúzehen hundert jar, sibentzig jar vnd dar nach in dem dritten jar.

Source Fulltext: Chartularium Sangallense IX, Nr. 5377, S. 52-54.