Ich Johans von Frowenfeld senger ze dem thv^om ze Costentz¹ tůn kunt vnd vergich des offenlich mit disem brief allen, die in ansehent || oder ho^erent lesen, als ich minem lieben vetter Eberharten von Ramswag² vnd fro Isalten³ siner elichen frôwen ze koffent geben hab || recht vnd redlich a^ellú minv recht, dú ich hab ze der vogtye ze Vtzwille⁴ ze den fryen, die darin geho^erent, vnd och alle die fryen, || die in Obren Turgo^e gesessen sint, als si an mich komen vnd bracht sint vnd als ich si gehebt vnd genossen hab vnd ererbet hab von minem vatter sa^eligen herr Hansen von Frowenfeld⁵, das alles min pfant ist von dem aller durlúhtigosten fúrsten hern Karlen Ro^emschen kayser vnd von dem hailigen Ro^emschen rich vnd darv´ber ich och inen ze rechten geltern vnd angúlten geben hab hern Walthern von der Alten Clingen⁶, hern Eglolf von Roschach⁷ ritter vnd Jacoben von Frowenfeld⁸ minen brůder vnd darvmb ich inen och ze búrgen geben vnd gesetzt hab hern Johansen von Sehain⁹ ritter, hern Eberhart von Strass cúster ze Múnster in Ergo^e10, herr Hansen von Landenberg custer ze dem thům ze Costentz¹¹, V^olrichen Gra^emlich custer ze Byschoffzelle¹², Johansen in der Búnd vogt ze Costentz¹³, Albrechten von Tettikouen¹⁴, Johansen den Ruhen, Růdolfen den Hartzer vnd Bartholomen von Roggwille¹⁵ von Costentz, als das alles der brief vo^elleklich wiset, der darv´ber von mir vnd von den selben angúlten vnd búrgen besigelt geben ist, das ich darvmb ze merer vnd besser sicherhait dem selben Eberhart von Ramswag, fro Isalten siner elichen frowen, den obgenanten angúlten vnd och búrgen allen v´ber die gelúbt, so ich inen vormals getân hab, in gesetzet vnd in gegeben hab den pfantschatz ze Horgenbach¹⁶, die stúr ze Ittingen¹⁷ vnd a^ellú a^endrú gu^eter, wie dú gehaissen oder genant sint, dú min pfant sint von der herschafft von O^esterrich vmb aht hvndert guldin, als der brief wiset, den ich darvmb hab vnd den ich Hainrichen dem Wiener von Costentz ingeben hab, vnd des si alle im in getrúwes hant getrúwot hant, mit dem geding vnd mit der beschaidenhait, wa^er das dú fertigvng der obgenanten vogtye ze Vtzwille der fryen, die^a) darin geho^erent, vnd der fryen, die in Obren Turgo^e gesessen sint, als si mir zůgeho^erent, gen den obgenanten Eberhart von Ramswag vnd gen siner elichen frowen oder gen iren erben, ob si enwerin, nit vollefu^ert wurde hinnan ze dem zwelften tag ze wihenna^ehten dem na^ehsten, der nv kvnt, als ich inen es fertigen sol von dem hailigen Ro^emschen rych, so hant si baidv´ vnd och die obgenanten angúlten vnd búrgen alle vnd ir erben daz recht vnd den vollen gewalt, das si sich des obgenanten pfantschatz, der min pfant ist von O^esterrich, als vor ist beschaiden, vnd swas darzů vnd darin geho^ert, vnder ziehen sont vnd den ze iren handen haben vnd niessen sont, als lang als ferre vnd als vil, ob si gemainlich ald ir kainr besvnder von der obgenanten fertigvng laistung ald das gůt ze gebent drúhundert pfvnt vnd núntzig pfunt gůter pfenning Costentzer múnss, darvmb ich es verkofft hab, ze schaden ka^emint, welen weg sich daz fůgti, daz si sich des alles vff den selben pfantschatz haben sont vnd vff die nútz, die da von gevallent vnd gevallen múgent, vntz daz si des alles âne ir schaden gar vnd ga^entzlich gewert werdent. Vnd hab och ich offenlich gesworn ainen gelerten ayd ze den hailigen, das ich noch kain min erben vnd nachkomen noch nieman andre von v´nsren wegen si gemainlich noch ir dekains besvnder daran niemer ierren noch svment sont noch nit bekv´mberren sont weder mit gericht gaistlichem noch weltlichem noch âne gericht. Vnd ze warem vnd offem vrkúnd aller dirre ding gib ich der vorgenant Johans von Frowenfeld min insigel an disen brief. Der ist ze Costentz geben, do man von Cristes gebúrt zalt drúzehenhvndert jar, darnach in dem drú vnd sibentzigosten jar, an dem na^ehsten samstag nach inga^endem brachot.

Source Fulltext: Chartularium Sangallense IX, Nr. 5361, S. 36-38.