Allen^d) den, die disen brief an sehent oder ho^erent lesen, kúnd ich Lútolt der Schenk von Landegg wilent herr Bernhart des Schenken von Landegg¹ ritters || elicher sûn vnd vergih des offenlich mit disem brief fúr mich vnd fúr alle min erben, das ich mit gůter vorbetrahtung durch minen nûtz vnd || notdurft von dem erwirdigen fúrsten minem gna^edigen herren Cůnen von gottes gnaden abt des gotzhus ze sant Gallen² enpfangen || vnd in genomen han sehzig pfunt vnd fúnf pfunt alles gůter Ytailiger haller, der ich aller gar vnd gentzlich von im bin gewert vnd bezalt an den stetten, da ichs in minen schinbaren offenn gůten nûtz geben vnd bewendet han, vnd vmb die selben haller han ich dem selben abt Cůnen minem herren vnd sinen nâhkomen vnd dem vorgeschriben sinem gotzhus reht vnd redlich fúr mich vnd fúr alle min erben ze koffenn geben ains rehten besta^eten jemer werenden ewigen vngeuârlichen vnd vnwiderru^efflichen kofs dis nâhgeschriben lút Ma^ehthilten V^olrich des Lutenrieters von Hennôw³ elichi frow vnd wilent Cu^enis Ba^ebingers sailigen von Hennôw elichi tochter, Johansen, Cu^enin, Hainin, Bertschin, V^elin, Ru^edin, Elsinen vnd Adelhaitten geswústergit iro der selben Ma^ehthilten vnd V^olrich des Lútenrieters elichi kind mit lib vnd mit gůt vnd mit allen rehten nútzzen vnd mit aller zůgeho^erd, die selben lút min lehen warent von dem vorgeschriben abt Cůnen vnd sinem gotzhus ze sant Gallen. Ich han och mit gůtem willen vnbetwungenlich dem vorgenanten abt Cůnen minem gna^edigen herren die vorbenemten lút mit lib vnd mit gůt vnd mit allen rehten an sin hand letklich vnd frilich vfgeben geuertegot vnd zů siner vnd siner nâhkômen vnd zů des obgeschriben gotzhus handen vnd wegen brâht, als reht sitt vnd gewônlich was. Ôch han ich den selben abt Cůnen minen gna^edigen herren vnd sin gotzhus der selben obgenanten lút mit lib vnd mit gůt vnd mit allen rehten in gewalt vnd in liplich nûtzlich gewêr gesetzt vnd setz och mit vrkúnd dis briefs fúr mich vnd fúr alle min erben vnd nâhkomen ân alle geuerd, vnd won och ich den selben koffe also vngeuârlich mit gůtem willen vnbetwungenlich gen im getân vnd volfu^ert han, so han ich mich fúr mich vnd fur alle min erben vnd nâhkomen letklich vnd luterlich entzigen hin in des vorgenanten abt Cůnen mines gna^edigen herren vnd in siner nâhkomen vnd och in sines vorgeschriben gotzhus hand vnd entzih och redlich vnd reht vnd och gar vnd gentzlich mit disem brief an den vorgenanten lúten mit allen rehten vnd mit aller zůgeho^erd aller aigenschaft aller manschaft aller lehenschaft aller kuntschaft aller besatzzung aller zúgnust aller gewêr lút vnd brieue alles erbs vnd erbtails aller gemainschaft aller reht rehtung aller vordrung vnd ansprach alles rehtes gaistlichs vnd weltlichs gerichtes alles schirmes aller fûrzúg vnd vszúg vnd aller der ander sach vnd geuerden, da mit ich oder min erben oder jeman andrer von v´nsren wegen vnd an v´nser statt die selben obgenanten lút mit lib vnd mit gůt vnd mit allen rehten nû ald hernach gar oder an dekainem taile kúndint angesprechen ald da mit wir den selben disen kôffe vertegung vnd vfgebung vnd och dis sach widerru^effen gewenden ab getriben ald ze niht schaffen ald machen mo^ehtint in dehainer lay wis vngeuerlich. Ich sol vnd geloben och mit disem brief fúr mich vnd fúr alle min erben, die ich vesteklich herzů bind in dirr sach, der vorgenanten lút mit aller zůgeho^erd vnd och des redlichen kofs reht wem ze sinne nach reht des vorbenemten abt Cůnen siner nâhkomen vnd och des vorgeschriben gotzhus ze sant Gallen gen mainglichem vff gaistlichem vnd vff weltlichem gericht, wenn vnd wa vnd wie dik si vnd och die selben lút des bedurfent vnd notdurftig sint ald darumb angesprochen oder vfgetriben werdent mit dem rehten vngeuerlich. Vnd des vnd hierúber ze ainer besta^eten wârhait aller vorgeschribner ding vnd gedingde han ich Lútolt der Schenk von Landegg da vorgenant min insigel offenlich fúr mich vnd fúr alle min erben gehenkt an disen brief. Der geben ist ze Glatburg⁴ vff miner burg an dem na^ehsten mentag nach sant Gallen tag, do man zalt von gottes gebúrt drúzehen hundert jar, darnach in dem ain vnd ahtzigosten jar.

Source Fulltext: Chartularium Sangallense IX, Nr. 5872, S. 535-537.