Allen den, die disen brief ansehent, lesent oder ho^erent lesen, kúnd ich Hans von Horwen¹, || der sesshaft wz ze Wîl², vnd vergih offenlich an disem brief, dz Hainrich der Ho^egger ain || burger ze Biscofzelle³ vnd Ma^ehthilt sin elichú wirtenn, dú baidú min lehen warent von dem || gotzhus ze sant Gallen, sich selber mit iro lib vnd gůt von mir wider an daz selb gotzhus reht vnd redelich gekoffet hant vmb siben pfund gůter vnd gena^emer Costentzer múns pfenning, der pfenning ich alleklich gewert bin vnd in minen schinba^ern nutz han bewendet, vnd sende die selben lút bi Hansen dem Schenken von Casteln⁴ minem o^ehain vnd mit disem brief frilich vf dem gotzhus ze sant Gallen an des erwirdigen mines herren hand abt Hermans dez gotzhus ze sant Gallen⁵ ze des selben gotzhus handen vnd nutz, vnd han och gelobt mit miner trúwe vnd bind och mine erben dar zů mit disem brief, dz wir dez vorgescriben koffes vnd och lút reht wern su^ellint sine ane fúrzug nach reht, wenn oder wa sin an herre oder daz capitel ald amptlút dez gotzhus ze sant Gallen ald die vorgescriben lút bedurfent ald notdúrftig sint vf gaistlichem ald weltlichem geriht, vnd entzih mich willeklich mit disem brief aller reht, vorderung, ansprach, aigenschaft, lehenschaft, kuntschaft, besatzung, zúgnúst brief vnd lebenter lút, so ich ald min erben vmb die selben lút ie hettunt ald gewnnent ald wir hie zů inen han ald gewinnen mo^ehtint mit geriht ald ane geriht. Vnd ze merer sicherhait aller vorgescribener ding henk ich min insigel an disen brief. Der geben ist an dem na^ehsten dunstag vor v´nser vrown tag ze dem a^ern, do von gottes gebúrt warent drútzehenhundert jar, dar nach in dem nún vnd fúnfzigosten jare.

Source Fulltext: Chartularium Sangallense VII, Nr. 4582, S. 427.