In^a) nomine domini nostri Iesu Christi amen. Per hoc presens publicum instrumentum universis et singulis eiusdem inspectoribus seu auditoribus, || quos infrascriptum tangit negotium vel tangere poterit quomodolibet in futurum, pateat evidenter, quod sub anno domini eiusdem || millesimo tricentesimo septuagesimo quinto, indictione tredecima, prima die mensis maiy, eiusdem diei hora meridiei vel quasi, || pontificatus sanctissimi in Christo patris ac domini domini nostri Gregorii divina Providentia pape undecimi anno suo quinto in mei publici auctoritate imperiali notarii ac testium subscriptorum presentia in oppido Wile¹ Const(antiensis) dyocesis in domo Hainrici dicti Meggen hospitis ibidem personaliter constituti, discretus vir Hainricus dictus Talakrer de Episcopalicella² rector ecclesie parrochialis in Eriswile³ Const(antiensis) dyocesis predicte ex una et Lútoldus Schenkk de Landegg⁴ armiger pro se ac procurator et nomine procuratorio ut asseruit Ma^erklini dicti Schenkken⁵ fratris sui carnalis habens ab eodem Ma^erklino ad infrascripta plenum et sufficiens mandatum ex parte altera. Idemque Lútoldus suo ac dicti sui fratris nomine procuratorio non vi coactus nec metu inductus nec dolo alicuis^b) ut asseruit circumventus, sed sponte libere ac publice renuntiavit pro se et fratre suo predicto nomine procuratorio eorum liberis heredibus et omnibus successoribus in manus dicti Hainrici omni iure^b) et iuribus quibuscumque sibi fratri suo aut liberis heredibus ac successoribus suis in dicta ecclesia Eriswile vel pertinentiis eiusdem quocumque modo competentibus vel competere valentibus, et ipsum Hainricum suo vice et nomine dicti sui fratris per manuum suarum coniunctionem in corporalem possessionem quietam et pacificam dicte ecclesie cum suis pertinentiis universis, quantum in eo vice sua et nomine procuratorio predicto fuit, liberaliter misit et induxit, et voluit, ut dictus Hainricus dietam ecclesiam in Eriswile decetero cum omni iuri^c) iuribus et pertinentiis universis libere uteretur utatur et fruatur pro sue libito voluntatis, renuntians nichilominus ad maiorem cautelam pro se et suo fratre procuratoria potestate suis liberis et ipsorum heredibus omni exceptioni doli mali litteris instrumentis concessionibus et privilegiis episcopalibus et aliis quibuscumque ac omni iuris auxilio canonici et civilis, quo vel quibus mediantibus ipse fraterque suus prefatus pretactum Hainricum in dicta sua ecclesia inpedirent et oecuparent aut inpedire seu occupare nunc vel inposterum quovis modo possent et dicta renuntiatio quomodolibet anullari vel etiam in toto seu parte infringi vel aliqualiter inpediri valeret. Promisit etiam predictus Lútoldus pro se et suo fratre nomine procuratorio suisque^d) omnibus liberis heredibus successoribus consangwineis amicis et adiutoribus, quod ipsi per se nec per alium seu alios vel quameumque interpositam personam dictum Hainr. in dicta sua ecclesia in iudicio vel extra unquam inpetere convenire dampnificare vel ut dampnificetur procurare querimoniamque de ipso ponere debeant quovis quesito ingenio vel colore nec aliis dare consilium auxilium vel favorem publice vel oeculte, de quibus etiam premissis omnibus et singulis cum debita verborum forma prefatus Lútoldus pro se et suo fratre nomine procuratorio fidem nomine iuramenti dedit. Super quibus omnibus et singulis premissis prefatus Hainricus Talakrer me notarium publicum infrascriptum cum instantia requisivit, ut sibi de hiis omnibus et singulis unum vel plura conficerem instrumentum vel instrumenta, prout oportunum existeret et necessitas requireret. Acta sunt hec anno indictione die mense hora pontificatu et loco quibus supra presentibus Albertho de Lindenberg⁶ schulteto in Wil, Rúdolfo de Liechtenstaig⁷ et V^olrico dicto Kupferschmit testibus ad premissa vocatis pariter et rogatis.||
(ST) Et ego Johannes Molitoris clericus coniugatus Constan(tiensis) diocesis publicus||
imperiali auctoritate notarius iuratus, quia predictis renunciationi recongnationi||
promissioni ac fidei dationi presens una cum prenominatis testibus fui eaque omnia et||
singula ut prescribitur sie fieri vidi et audivi, idcirco hoc presens publicum instrumentum||
aliis arduis negotiis prepeditus per alium scribi procuravi manuque mea propria||
subscripsi singnoque meo solito et consweto singnavi rogatus et instanter requisitus a||
Hainrico Talakrer predicto.

Source Fulltext: Chartularium Sangallense IX, Nr. 5448, S. 121-122.