Ich Johans Sto^ekli stattamman ze Veltkirch² kúnd vnd vergich offenlich an disem brief, dz ich || ze gericht sass ze Veltkirch in der statt an der na^ehsten mitwochen nah sant || Peters vnd sant Paulus tag von gena^vden vnd gewaltz wegen dez edeln wolerbornen || mins gena^edigen herren gra^vf Růdolfs von Montfort³ herren ze Veltkirch, do kam fúr mich vnd fúr verbannen gericht der erwirdig herr apt Walther apt dez gotzhus ze sant Johans⁴ sant Benedicten ordens mit sinem fúrsprechen Cu^entzin A^ernin von Criss⁵, vnd behůb da ze ma^vl der selb apt von sant Johans mit geswornem aid vnd vferhabner hant, als im recht vnd vrtail gab, a^ellú dú gůt vnd gu^eter, dú er vnd sin gotzhus habint in diser herrschaft vnd gra^vfschaft ze Veltkirch vnd in disen kraissen, dz dú selben gůt vnd gu^eter a^ellú rechtú schupflehen sint vnd nit erblehen sint, a^vn allain dz gůt genant der Vyo^vl⁶, dz ist erblehen, vnd ha^vt dz behept mit geswornem aid, wan dz mit gemainer vrtail ertailt ward, dz er ez mit siner hant vnd mit sinem aid wol behaben so^elt vnd in da^vrvmb nieman v´berzúgen ||
mo^echt. Vnd ward im och ertailt mit vmbgender gemainer vrtail, dz er dz als ve^vrr behept habi mit sinem aid, als im ertailt ward, dz er vnd sin^b) nahkomen vnd iro gotzhus nu^v hinnanhin da bi beliben so^ellint a^vn menglichs irrung. Dirr ding ze wa^vrem vrkúnd henk ich von dez gerichtz wegen, als mir ertailt ward, dz ich ez tůn so^elt, min aigen insigel an disen brief. Geben vnd ertailt ze gebent an der obgenanten mitwochen dez ja^vrs, do man zalt von Cristus gebúrt drútzehenhundert vnd achtzig ja^vr, darna^vh in dem ersten ja^vr.

Source Fulltext: Chartularium Sangallense IX, Nr. 5853, S. 513.