Allen den, die disen brief ansehent, lesent oder ho^erent lesen, tůn ich Anna von Hohentann¹, Wilhelms von Brahsperg elichi wirtinne, || kunt vnd vergich offenlich an disem brieue fúr mich vnd fúr alle min erben, das ich mit gůter vorbetrahtung vnd beschaidenhait || mit des vorbenemten Wilhelms mines elichen wirtes willen vnd gunst willeklich vnd vnbetwungenlich gesworn han ainen geler||ten aid ze den hailigen mit vfgehabner hant, wa^er das dú burg ze Brahsperg, dú des vorgenemten Wilhelms mines elichen wirtes burglehen vnd burggesa^ez ist von dem gotzhûs ze sant Gallen, in min hant vnd in minen gewalt ka^emi, das ich dem êrwirdigen herren von gottes gnâden abt Herrn an des gotzhûs ze sant Gallen vnd sinen nâchkomen, wele denn abt ald pfleger da ist, ald dem cappitel gemainlich, ob kain abt noch pfleger da wa^er, ân alle geua^erde getrúlich mit der selbun burg ze Brahsperg warten sol vnd sú in die selbun burg vnd darûs lâssen sol vnd a^ellú dú ding tůn sol, die man ainem herren von sinem burggesa^ez tůn sol. Ich han o^vch gelobt bi dem selben aide, das ich die vorgeschobenen burg ze Brahsperg in niemans hant bringen sol won der vorhin swêrt ainen gelerten aid ze den hailigen, dem vorgenemten abt Herman vnd sinen nachkomen vnd dem gotzhûs ze sant Gallen mit der selbun burg ze wartenn vnd ze tu^enne alles, das hie vorgeschriben stât an disem brieue. Vnd ze ainem wâren vrkúnde vnd ze ainer sta^etun sicherhait aller der vorgeschribenen dinge henk ich Anna von Hohentannda vorgenemt fúr mich vnd fúr alle min erben min insigel an disen brieue. Ich Wilhelm von Brahsperg da vorgenemt vergich, das alles das wâr ist, das dú vorgenemt Anna min elichi wirtinne von mir davor an disem brief veriehen hât. Vnd ze merer sicherhait der selben dinge henk ich o^vch min insigel an disen brieue. Der geben ist in der stat ze sant Gallen, an der na^ehsten mitwuchen nach sant Gallen tag, in dem jâr, do man zalt von gottes gebúrt drúzehenhundert jâr vnd darnach in dem fúnfzigosten jâre.

Source Fulltext: Chartularium Sangallense VII, Nr. 4189, S. 106.