Bertoldus dei gratia abbas¹, Manegoldus decanus² totusque conventus monasterii sancti Galli dilectis in Christo Adilheidi abbatisse et conventui sororum || in Maggino^vwe³ salutem in domino. Ad petitionem dilecti nostri fidelis Rv^odolfi de Wiltperc⁴ militis resignante eo pariter et Antonia^a) uxore sua et Wern||hero filio suo⁵ nobis curias suas unam videlicet dictam Tegirscha⁶ et alteram dictam an der Egge iuxta Magoltsberg⁷, quas ab ecclesia nostra infeodatas habebant, || ipsas vobis nomine monasterii vestri donamus ac iure perpetuo assignamus. Quia vero in quantum possumus cavere nos expedit, ne, unde aliis proficimus, inde in nobis ipsis deficiamus, sic super hoc facto ordinavimus seu disposuimus, quod, cum supradictus Rv^odolfus predium non haberet, per quod ad cavendum indempnitati nostre ecclesie curias predictas ei et nobis posset rependere, hoc apud Fridericum nobilem virum comitem de Togginburg⁸ suis precibus optinebat, quod, sicut iam dictum est, ad cavendum indempnitati nostre ecclesie de prediis suis curiam suam dictam der Obirhof ze Hiltisho^vwe⁹ nobis et ecclesie nostre memorate donavit pro reconpensatione predictarum curiarum videlicet Tegirscha et an der Egge iuxta Magoltsberg, que nostre ecclesie predia antea existebant, eamque curiam videlicet Obirnhof ze Hiltiso^vwe a nobis recepit feodaliter obtinendam. In quorum omnium evidentiam et robur perpetuo valiturum presentem cartam vobis damus sigillorum nostrorum abbatis scilicet et conventus munimine roboratam. Testes huius facti sunt hii clerici: comes Willehelmus de Togginburg¹⁰, magister Rv^odolfus de Eschingin¹¹, dominus Andreas de Schalkon¹², dominus Wernherus de Wiltperg⁵; et hii milites: Bertoldus ab dir Lo^vbvn¹³, Cv^onradus de Ebbinberg¹⁴, Cv^onradus de Helfoltswiler¹⁵, Hartmannus de Nidirndorf¹⁶, insuper Jacobus de Lvtirberg¹⁷ et alii quam plures. Dat. apud sanctum Gallum anno dominice incarnationis M°CC°LVIIII°. VI kal. octobr.

Source Fulltext: Chartularium Sangallense III, Nr. 1617, S. 445-446.