In nomine domini amen. Universis et singulis hoc presens publicum instrumentum intuentibus pateat evidenter, quod sub anno a nativitate eiusdem millesimo trecentesimo septuagesimo nono pontificatus sanctissimi in Christo patris et domini nostri domini Vrbani divina providencia pape sexti anno primo, indictione secunda, mensis aprilis, die sexta, hora terciarum vel quasi ipsius diei in oppido sancti Galli Constan(ciensis) diocesis et ibidem in thesauria monasterii sancti Galli ordinis sancti Benedicti in testium et mei notarii publici subscriptorum presencia personaliter constituti honorabilis et religiosus dominus Nicolaus de V^otzingen¹ thesaurarius omnesque et singuli alii monachi monasterii sancti Galli ordinis sancti Benedicti dicte Constan(ciensis) diocesis vocem in electione abbatis eiusdem monasterii de iure vel consuetudine habentes et eciam integrum conventum ipsius monasterii facientes et reputantes, qui fuerunt Cůno de Sto^effeln² prepositus, Fridericus de Zolr^a)3, Johannes de Bussnang⁴ et Hainricus de Gundelfingen⁵, conventualiter congregati ac de electione abbatis ipsius monasterii tractantes proposuerunt, ipsi monasteryo de abbate per formam compromissi providere, ut apparet ex instrumento publico per me notarium subscripta^b) exinde confecto. Ipsi Cůno de Stoffeln prepositus, Fridericus de Zolr, Johannes de Bussnang et Hainricus de Gundelfingen in prefatum dominum Nicolaum de V^otzingen thesaurarium ipsius monasterii transtulerunt et sibi dederunt potestatem liberam et ins plenarium eligendi personam ydoneam in abbatem ipsius monasterii vice et nomine omnium eorundem, promittentes illum habere et recognoscere in suum et ipsius monasterii abbatem, quem ille canonice duceret eligendum. Et ut de hiis unum publicum conficerem instrumentum, ipse dominus thesaurarius me notarium publicum subscriptum requisivit instanter. Acta fuerunt hec ut supra^c). Et ego Conradus Talackrer^d).

Source Fulltext: Chartularium Sangallense IX, Nr. 5705, S. 366.