Allen, die disen brief ansehen oder ho^erent lesen, kunde ich Rv^odolf von Lindenberg¹, das ich dien erwirdigen herren apt || Cv^onrate vnd dem conuente des gotzhuses von Wettingen² des ordens von Zytels in rechtes kv^offes wis ze ko^vffen || han gegeben minen eigennen man Cv^onraten den Gloggenen Wilnhelms sun von Kolbrunen³ mit libe vnd mit gv^ote || fur rechtes eigen mit allem dem rechte, als ich in vnz har han bracht, ze besizzenne vnd ze behebenne eweklich vmb drisseg pfunt Pfenninge Zvrich mvnze, dero ich von inen alleklichen bin gewert. Ich vergich o^vch offenlieh an disem brife, das ich den vorgenanden Cv^onraten ze Wettingen vor dem conuente offenlich vnserre vro^vwen, du da genedig ist, an des vorgenanden aptes hant vnd an ir gotzhus han lideklichen vf gegeben fur lidig eigen mit libe vnd mit gv^ote vnd mit allem dem rechte, als ich in har han bracht, vnd loben für mich vnd binde o^vch min nachkomen vnd min erben, de wir wer sin iro vnd ir gotzhus des selben Cv^onrates fur lidig eigen an allen stetten, swa ald swenne su es bedurfen, vnd won ich mich des vorgenanden Cv^onrates verzigen han fur mich vnd fur min erben vnd nachkomen eweklich mit allem dem, so ich zv^o im hatte oder iemer mo^echte^a) rechtes gewinnen oder ansprach von der selben eigenschefte wegen alleklichen, als hie vor geschriben stat, dar vmbe loben ich o^vch dien vorgenanden herren, das ich sv noch ir gotzhus an dem vorgenanden Cv^onrate noch von sinen wegen niemer beswere mit worten noch mit werchen, mit frumde noch mit dekeiner schlachte sache. Ich gibe o^vch ze einem offennen vrkunde alles des, so hie vorgeschriben stat, dem vorgenanden apte vnd dem gotzhus von Wettingen disen brief besigelt mit minem vnd mit Johanses von Westersbv^el⁴ mins o^eheims ingesigeln. Dis beschach ze Andolfingen⁵ in Jacobs des wirtes hus an sant Andres abende, do von gottes geburt waren druzehenhundert jar vnd dar nach in dem zwelften jare. Da ze gegne waren her Heinrich von Westersbv^el⁶ ritter, Johans der vogt ab dem huse⁷, Cv^onrat des vogtes sun von Aha⁸, Ru^eveli des vogtes sun von Me^engen^b)9, Heinrich der keller, Jacob der wirt, Burkart der sigrist, Cv^onr. der ober keller, No^egi der smit, Cv^onrat Loz vnd Herman der zoller vnd ander erbere lute genv^oge.||
Ich der vorgenande Johans von Westersbv^el dur bette Rv^odolfes von Lindenberg mins o^eheims des vorgenanden vnd won ich beide ze Andolfingen vnd ze Wettin||
gen ze gegne was, da dis beschach, henke o^vch min ingesigel an disen brief ze einer zvgnust vnd ze einem offennen vrkvnde aller der dinge, so hie vorgeschriben stat.

Source Fulltext: Chartularium Sangallense V, Nr. 2835, S. 225-226.