Wir graue Kraft von Toggenburg tv^onherre ze Kostenze vnd bropst ze Zv´|rich¹ vnd vnsers bro^vders svne graue Friderich vnd graue Dietheln² kvnden || allen de|n, de| disen brief sehent ald horrent lesen, das Heinrich der Bollinger, der || von vˆns er vnd sin bro^vdre^a) ze lêne hatton den zehenden ze Lvtenspach³, der drv´ stuki geveskornes ierlichs giltet, fur vˆns kam vnd vˆns das lên des zehenden vˆf gab, er an siner vnd an aller siner bro^vder stât, vnd von dem willeklich giengen vnd sich enzigen aller der rectvnge, so sv an dem zehenden hettin ald har nach moctin han, vnd enzichen sv sich von der rectunge vmbe etwevile go^vtes, das inen geben wart von den herron von Rv´ti⁴. Das selbe lên namen wir von im vˆf als gewonlich ist mit aller redlichi vnd recte. Vnd wand wir dem gozhvse ze Rv´ti angunstig vnd genedeklich vˆns neigende iemer wellen sin, sv zefurdrenne an allen nvzzeklichen vnd erlichen dingen von vnseren vordren, de| bi inen ro^vwende sint, vnd von der kilkvn ze Eschibach⁵, de| sv von vnser gabe hant, an de| der selbe zehende horret, so gaben wir vnd geben o^vch an disem gegenwurtigen brieve den selben zehenden mit allem nvzze vnd recte dur vnser vnd aller vnseren vordron heiles willen frilich willeklich vnd lideklich ze rectem eigenne den . . herron vnd dem gozhvse ze Rv´ti den ze besizzenne, ze hanne, ze niesenne eweklich vnd fridelich mit allem nvzze. Vnd das de| herron vnd das gozhûs ze Rv´ti an dir gotlicher gabe siker sîn vnd sv har nach vnser nachomen noch nieman anders beswerren mvge, so geben wir inen disen brief^b) ze einem gewerem vrkvnde vnd sicherheit dir gabe vnd getât besigelt offenlich mit vnseren ingesiglen^c).

Source Fulltext: Chartularium Sangallense VI, Nr. 3471, S. 120-121.