Sbigneus Dei gratia Episcopus Cracoviensis, Discretis viris vicariis (h)ebdoma- dariis ad Cathedralem in Cracovia et praesentibus requirendis salutem in Domino sempiternam. Vacante altari Sanctorum Doctorum Gregorii, Augustini, Ambrosii, Ieronimi et Thomae de Aquino, nec non Allexii confessons et Mariae Egipciacae in ecclesia cathedrali praedicta sito in angulo circa capellam dominae Reginae, per liberam resignationem honorabilis viri Magistri Iohannis de Dambrowka ultimi et immediati altaristae altaris praedicti, in manibus nostris factam ac per nos receptam et admissam, honorabilem Magistrum Paulum de Clobuczsko almae Universitatis studii Cracoviensis Collegiatnm, ad praesentationem venerabilium virorum dominorum Thomae de Strzampino Doctoris in Decretis et Rectoris dictae Universitatis, caete- rorumque Doctorum et Magistrorum eiusdem, ad quos iuspatronatus dicti altaris pertinet pleno iure, per manus nostrae capiti suo impositionem, Christi nomine in- vocato. instituimus et investivimus, ac tenore praesentium instituimus et confirma- mus, curam spiritualium et administrationem temporalium praedicti altaris sibi as signantes. Quocirca vobis vicariis (h)ebdomadariis chori nostri ecclesiae Cracovien sis in virtute sanctae obedientiae mandamus, quatenus ad dictum altare cum prae- fato Magistro Paulo de Clobuczsko personaliter accedentes, ipsum in possessionem eius inducatis realem et corporalem, res, calices, libros, claves et alia attinentia sibi assignantes. Mandantes nihilominus omnibus et singulis praedicti altaris censitis et redituariis, quatenus eidem Magistro Paulo et müli alteri, de omnibus et singulis censibus, proventibus et obventionibus universis respondeant realiter et cum effectu. Datum Cracoviae, xxviij. die mensis Martii, Anno Domini Millesimo Quadringen- tesimo tricesimo tertio, sigillo nostro praesentibus subappenso.