In nomine Domini Amen. Ad perpetuam rei memoriam. Quia tunc multis er- rorum et dubiorum prudenter occurrimus incommodis, dum gesta aetatis nostrae li- terarum apicibus et testium fide dignorum annotatione perhennamus; proinde nos Wladislaus Dei gratia Rex Poloniae, nec non terrarum Cracoviae, Sandomiriae, Sy- radiae, Lanciciae, Cuyaviae, Pomeraniae dominus, Lithuaniaeque Princeps supremus et haeres Eussiae etc. significamus tenore praesentium quibus expedit universis, prae sentibus et futuris, praesentium notitiam habituris: quomodo nobis oblata per hono- rabiles Magistros collegiatos nostrae Universitatis studii Cracoviensis, nostros de votos dilectos instans petitio continebat, quatenus literas magnifia Petri senioris de Pyeskowascala Palatini Sandomiriensis, Cracoviensis et Syradiensis Capitanei fidelis dilecti, de et super emptione et resignatione perpetuis temporibus sortis sive partis villae seu haereditatis Bosczin a nobili Martino Birowo de Przibinicze factis, approbare, ratificare et confirmare de innatae nobis benignitatis clementia dignare- mur. Quarum quidem literarum tenor sequitur in haec verba:

„Nos Petrus senior de Pyeschkowascala Palatinus Sandomiriensis, Cracovien sis et Syradiensis Capitaneus, significamus tenore praesentium quibus expedit uni- „versis, praesentes literas inspectons: quomodo nobilis Martinus Byrowo de Przi

„binicze sanus existens, non compulsus, neque coactus, sed suo et suorum amicorum „maturo fretus consilio, veniens coram nostro iudicio castri Cracoviensis recogno- „vit se vendidisse et iudicialiter in perpetuum resignasse partem haereditatis in villa „Bosczin ad ipsum paterne pertinentem, cum ipsius partis haereditariae omnibus „iure, dominio, utilitatiluis, fructibus, reditibus, proventibus, incolis, censibus, areis. „domibus, molendinis, tabernis, aedificiis, (h)ortis, agris, pratis, campis, pascuis et „ipsorum obventionibus, lacubus, piscinis, fluviis, aquis et earum decursibus, gaiis. „silvis, rubetis, mericis, quercetis et universis appendiis, nec non toto iure et do minio, prout solus late, longe, distincte et limitate tenuit et possedit, nihil pro se „et suis posteris legitimis iuris, domini i et utilitatis inibidem reservando, honora- „bilibus dominis Magistris Collegii Artistarum Universitatis praedictae Cracoviensis „pro octuaginta marcis pecuniae usualis monetae et numeri Polonicalium, videlicet „quadraginta grossos et octo in marcam quamlibet computando singillatim, per me- „moratos Magistros collegiatos Artistarum Collegii praefati partem haereditatis in „Bosczin cum iuribus et fructibus suprascriptis iure haereditario et perpetualiter te- „nendam, habendam, possidendam, utifruendam, commutandam, vendendam, donan- „dam et in usus suos beneplacitos libere convertendam. Promisitque praefatus Mar- „tinus praenominatos Magistros collegiatos Artistarum Collegii praedicti occasione „praemissorum ab omnibus impediments atque dampnis iuxta consuetudinem terres- „trem Cracoviensem intercedere et cum effectu relevare. Insuper praefati Martinus „Byrowo et Magistri tale inter se pactum seu contractum circa praedicta, scilicet „emptionem et venditionem, ordinaverunt: quod quam cito dominus Rex Cracoviam „feliciter apropinquabit, tunc praenominati Byrowo et Magistri dominum Regem de- „bent adire et suam Maiestatem de consensu et libertatione, resignationeque dictae „partis haereditatis in Bosczin, prout emenmt et ipse vendidit, petere. Si autem „dominus Rex in talem venditionem et emptionem non consenserit, extunc praedic- „tus Byrowo Magistris pecunias ipsorum, videlicet octuaginta marcas, prout ab ip- „sis recepit, reddet, et memorati Magistri quam cito pecunias rehabebunt, de pos- „sessione praenominatae partis haereditatis cedent realiter cum effectu. In cuius rei „testimonium sigillum nostrum praesentibus est subappensum. Actum et datum in „castro Cracoviensi, feria sexta proxima post Octavas Corporis Christi, Anno Do- „mini Millesimo Quadringentesimo tricesimo primo. Praesentibus ibidem Ianussio „Cyanowsky Indice nostri iudicii castrensis, nobili Petro Ianykowsky et aliis muí ais nobilibus fide dignis."

Nos itaque Wladislaus Rex praefatus petitionibus Magistrorum praedictorum utpote iustis et rationi consonis benigniter acclinati, praefatas emptionem, venditio nem et resignationem sortis sive partis villae et haereditatis Bosczin praedictae, ut praemittitur factas, ratas habentes atque gratas, praefatas literas approbamus, inno- vamus et confirmamus per praesentes decernentes ipsas in omnibus ipsarum punctis, articulis, conditionibus et clausulis robur perpetuae firmitatis obtinere. Praeterea praefatorum Magistrorum Collegiatorum humiliter nobis petitionibus benigniter ac clinati, praedictam partem villae Bosczin per ipsos Magistros Collegiatos apud prae- narratum Martinum Birowo emptam, in terra nostra Cracoviensi et in districtu Prossoviensi sitam, prout in suis metis et limitibus ab antiquo est distincta et circum- ferentialiter limitata, de iure Polonico in ius Theutunicum. quod Srzedense dicitur. tenore praesentium transferimus perpetuo duraturum, removentes ibidem omnia iura

Polonicalia, modos et consuetudines universas, quae ipsum ius Theutunicum Srze- dense perturbare plerumque consueverunt. Eximimus insuper, absolvimus et perpetuo liberamus omnes praedictae partis villae kmethones. et eius totius villae praelibatae Bosczin kmethones et incolas ab omni iurisdictione et potestate omnium regni no- stri Palatinorum, Castellanonun, Capitaneorum, Iudicum, Subiudicum, Camerariorum, Procuratorum generalium et specialium, caeterorumque officialium et ministerialium eorundem quorumvis, ut coram ipsis aut ipsorum aliquo pro causis autem videlicet tam magnis quam panas, puta furti, sanguinis effusionis, homicidii, incendii ac mem- brorum mutilationis et quibusvis aliis enormibus excessibus citati minime responde- bunt nec aliquas poenas solvere tenebuntur; sed kmethones et incolae mediae partis villae praedictae coram suo Advocato, Advocatus vero coram Magistris praedictis seu quocumque alio praedictae villae domino, qui pro tempore fuerit, vel coram no bis seu nostro generali Iudido, dum tamen per nostram literam sigillo nostro sigil- latam evocatus fuerit et citatus, et hoc si in reddenda iustitia negligens foret et re- missus, tunc non aliter quam suo iure Theutunico Srzedensi de se querulantibus re spondere sit astrictus; in causis autem criminalibus et capitalibus superius expres- satis Advocato dictae mediae partis villae iudicandi, sententiandi, conigendi et puniendi damus et conferimus tenore praesentium plenam et omnimodam potestatem, prout hoc ipsum ius Theutunicum Srzedense in omnibus suis punctis, articulis, con- ditionibus et clausulis universis postulat et requirit. Praemissorum caeterum preci- bus amplioribus acclinati Magistrorum, dictam partem villae apud saepius dictum Martinum Birowo per ipsos Magistros, ut praemissum est, emptam, resignatam et et per nos roboratam, aliamque partem eiusdem villae Bosczin ipsis Magistris et Collegio Universitatis studii Cracoviensis per nobilem Beatam olim relictam piae re cordations Dimitrii Marsalci regni Poloniae pure propter Deum et pro salute ani- mae suae datam et donatam et in perpetuum resignatam, imo verius ipsam totam villam Bosczin praeexpressam ad ipsos Magistros collegiatos penitus iuxta praemissa spectantem, ab omnibus expeditionibus bellorum aut quarumvis guerrarum, poduodis, solutionibus, dationibus, tributis, stationibus, impositionibusque angariarum et one- rum liberamus, absolvimus perpetue et in aevum, iure nostro regio vulgariter Kro- lewske, in regno nostro de quolibet laneo per duos grossos fieri solito, dumptaxat excepto. Harum quibus sigillum nostrum praesentibus appensum est testimonio lite- rarum. Actum Cracoviae, feria tertia ipso die Circumcisionis Domini, Anno eiusdem Millesimo Quadringentesimo tricesimo secundo. Praesentibus reverendis in Christo patribus dominis Alberto Archiepiscopo et Primate sanctae ecclesiae Gneznensis, Sbigneo Cracoviensi, Iohanne Wladislaviensi Episcopis, nec non magnificis et stre- nuis Nicolao de Michalow Castellano, Iohanne de Tharnow Palatino Cracoviensibus, Petro seniore Schaffranyecz de Pyaskowascala Palatino Sandomiriensi, ac aliis quam- pluribus fide dignis testibus circa praemissa. Datum per manus reverendi in Chri sto patris domini Iohannis Dei gratia Episcopi Wladislaviensis, Cancellarii, et ve- nerabilis Wladislai de Opporowo Decretorum Doctoris, Decani Cracoviensis, Praepo- siti Lanciciensis, regni Poloniae Vicecancellarii, devotorum nostrorum, sincere nobis dilectorum.

(Ex archetypo membranaceo, cum sigillo cereo rubro, filis sericis coloris rosei et nigri appenso. Sigillum eiusdem typi ac sub Nr. IJX. — Nr. Ar chiv. Univ. 36.)

22

170

LXXXVn.

literae notariales plenipotentiam Magistri Nicolai Oszkowski Doctoris Medicinae,

Canonici Crasviciensis, Iacoho de Wolfram Baccalaureo in Artihus et Nicolao de

Xiaz, ad petendam institutionem in Canonicatum et praebendam in ecclesia S. Geor-

gii castri Cracoviensis, datam in se continentes.

Lauciciae, Anno 1432, die 8 mensis Iulii.

In nomine Domini Amen. Sub Anno a Nativitate eiusdem Millesimo Quadrin- gentesimo tricesimo secundo, Indictione decima, Pontificatus Sanctissimi in Christo patris et domini nostri. domini Eugenii divina providentia Papae quarti anno se cundo, die Mercurii octava mensis Iulii, hora tertiarum vel quasi, in domo laboriosi Iacobi Bochnek in suburbio Lanciciensi sita, meique Notarii et testium infrascri- ptorum ad hoc vocatorum specialiter et rogatorum praesentia constitutes personaliter venerabilis Magister Nicolaus Oschcowsky Doctor in Medicinis, Canonicus Sancti Viti in Castro Cruschuiciensi, omnibus melioribus modo, via, forma, stilo et causa, quibus melius et efficacius potuit et debuit, fecit, constituit, creavit et solempniter ordinavit suos veros, certos, legitimos et indubitatos procuratores, actores, factores, negotiorum suorum gestores et nuncios speciales et generales, ita quod specialitas generalitati non deroget, nec e contra, videlicet honorabilem et circivmspectum Iaco- bum de Wolwram Baccalarium in Artibus et Nicolaum de Xansz procuratorem cau- sarum Consistorii Cracoviensis, absentes tanquam praesentes, ambos in solidum et eorum quemlibet seorsim, ita quod non sit melior conditio occupantis seu inchoantis. sed quod unus eorum inceperit, alter prosequi valeat, mediare et finire, dans et con- cedens ipsis suis procuratoribus et cuilibet eorum plenum mandatum, liberam et omni- modam facultatem, a reverendissimo in Christo patre et domino, domino Sbigneo Dei gratia Episcopo Cracoviensi, aut suo in spiritualibus Vicario generali, pro et nomine ipsius domini constituentis de Canonicatu et praebenda Sancti Georgii in castro Cracoviensi vacantibus seu vacaturis per assecutionem alterius praebendae in eadem Sancti Georgii ecclesia, vel per liberam resignationem reverendi in Chri sto patris domini Iohannis Episcopi Chelmensis, vigore literarum praesentationum sibi domino constituenti per Serenissimum Principem dominum Wladislaum Dei gra tia Regem Poloniae factarum provideri et ad eosdem investiri, literas investiturae et provisionis et quaelibet necessaria Instrumenta a Notariis publicis postulandum. seu in Canonicum ipsorum Canonicatus et praebendae ab illis. ad quos Canonico- rum illius ecclesiae receptio peitinet, recipi et vocem et stallnm in choro cum ple- nitudine iuris canonici assignari petendum, possessionem ipsorum realem et actua- lein intrandum, amplectendum et manutenendum, et fructus et reditus universos eo- rundem gubernandum, tollenduin et regendum, et eos a quibus aliquid receperint seu recepit. quittandum et pactum de ulterius non petendo faciendum, iuramenta de ob

servandis statutis ipsius ecclesiae, et quaelibet alia necessaria in animarum consti- tutionem providendum, et omnia alia faciendum, quae in praemissis et circa prae- missa necessaria fuerint seu quomodolibet opportuna, et quae veri et legitimi procu- ratores facere circa talia consueverunt atque debent, promittens ratum et gratum perpetue servare et tenere onтe id, quidquid per dictos ipsius procurators aut al terum eorum actum, gestum et procuratum fuerit in praemissis, sub omni bonorum suorum mob ilium et immob ilium, praesentium etfuturorum obligatione et (h)ypotheca." Super quibus omnibus petiit idem dominus constituens sibi fieri et confici a me No tario publico necessaria publica Instrumenta. Acta sunt haec Anno, Indictione, Pon- tificatu, die, mense, hora et loco quibus supra. Praesentibus ibidem honorabili do mino Stanislao plebano in Przypusth Notario domini Regis et Iohanne Prosensky armigero, Wladislaviensis et Chelmensis diocesum, testibus ad praemissa vocatis et rogatis.

(L. S. n.) Et ego Mathias Czecboslai de minori Crosznyno clericus Gneznensis diocesis, publicus imperiali auctoritate Notarius, quia dictae procuratio- nis constitutioni et aliis omnibus suprascriptis una cum praenominatis testibus, dum sic ut praemittitur agerentur et fierent, praesens interiui, eaque sic fieri vidi et audivi: ideo requisitus hoc Instrumentum manu mea conscriptum in hanc formam publicam redegi et signo et nomine meis solitis consignavi in fidem et testimonium omnium praemissorum.